طبعا انا ما كترت باعتباره تجربة يعني عملت نص كيلو فقط واكلنا تغميس وعملت جنبه شوربة شعيرية بالجزر وتبلة سلقينية وسلطة التوفو الصينية وكان عشاء 5 نجوم
حمدا لله على السلامة
كتبت بواسطة وعود الخير 
حمدا لله على السلامة
تسلميلي يا وعود كلك زوق
المنتدى منور بوجودك معانا
الله يسلمك يا رب
وانا تحت امرك بس اصبري علي شوي رح اكتبلك طريقة التبلة السلقينية اول الشي
مكوناتها نفس التبولة العادية بس البرغل لازم يكون بقد الخضرة وطريقة تحضريو غير
بتنقعي البرغل شي ساعتين بما يلي
معلقتين دبس رمان ووشوية دبس بندورة اقل من معلقة ومعلقة دبس فليفلة وملح ومي شي يتببل
بتكوني بهالاثناء فرمتي الخصرة انا فرمت بقدونس ونعناع وخيار وملفوف وحبة صغيرة بندورة وطبعا بصل
التحضير بتدعكي البرغل المنقوع مع اضافة كوب زيت زيتون والبصل المفروم يفصل اليابس لحتى يتناسقو وبعدها بتضيفي الخصرة بالتدريج وبتسكبيها وبتقدميها انا بموت فيها جربيها كتير طيبة وخاصة انو معاها دبس رمان وووووووووو
{}{}{}{} *متميز* .. من المقبلات الارمنيه… كفته بدبس الرمان… {}{}{}{}
شوربة الشعيرية بالجزر سهلة كتير وبسيطة
بتحمسي الشعيرية ب 4 ملاعق زيت انا بحب زيت الزيتون وبضيفا ماء هون اضفت ماء سلق اللحمة تبع الكفتة (ما بكب شي ههههههههههه) بس تتحمر الشعيرية وبعدها الجزر المفروم وبس يستوو بضيف مكعب ماجي وملعقة حمض حصرم او ليمون هون حطيت حمض حصرم وهاي ي طيبة كتير وخاصة عند الافطار بترم العضام
تطبيق رائع و اطباق شهية
تسلم الايادي ويعطيك الف عافية
بدنا كل طبق في موضوع مستقل علشان الكل يستفيد من اطباقك الحلوة يا عسل
كتير طيبة وخاصة انو معاها دبس رمان
من هيك بافهم انك ما شاء الله ما تركت دبس رمان في الشام كله تم تحويله للصين