شعار₪وصفه متميزه₪ السمك المشوي على طريقتي ) 2024.

بسم الله الرحمن الرحيم

كيف الحال اخواتي وشو اخباركم
امبارح كنت مو عارفه شو اطبخ بتعرفوا الحيره هاي يوميا شو تطبخي
حكيت ماالي غير طبخت سمك سريعه وسهله وصحيه اهم شي
وع فكره اللي رح تجربها رح تدعيلي
لانها احسن من القلي وكل الاكل يكون زيت
خليني ابلش…….

المقادير:
-سمك سلمون او اي نوع سمك بتفضله ست البيت
_ زنجبيل اخضر شي 4او 5 ملاعق كبار
_ 3 فصوص ثوم
_ نصف حبة ليمون
_ بقدونس اخضر 2 ملعقه كبيره
– ملعقة زيت زيتون

الطريقه:
– يؤخذ الزنجبيل والثوم والبقدونس والليمون(تقطع قطع صغيره) وتوضع المقادير في الفرامه
وتفرم فرم وسط … حتى تاخذ هالشكل:

– يعصر الليمون على السمكه وتبهر باي بهارات عند ست البيت وتوضع عليها الخلطه وزيت الزيتون
وتوضع في صينيه وتلف بورق القصدير
– توضع بالفرن من 20 الى 30 دقيقه
– ثم يزال ورق القصدير وتحمر قليلا ( معي انحرقت شوي انسيتها)
وهاد هو شكلها الاخير…..

بالنسبه اللي انا قدمتها مع سلطة البقدونس والطحينيه وطبعا لازم تكون
السلطه بارده بتطلع اطيب..

وصحتين وعافيه ……..