وكثير من البنات يسال عن طريقتها
قبل لا ادخل في مقاديرها حابه اقولكم طريقة الدجاج
تاخذين دجاجه وتطبخينها في ماء فيه بهارات صحيحه ( اعواد قرفه .. وحبات من الهيل .. والقليل من الكركم الناعم .. وحبات من المسمار … ) او ممكن تضيفي البهارات المتعوده عليها انتي لطبخ الدجاج وملح وتترك تطبخ حتى تنضج تماما
نضعها في مصفى ونخليها تبرد اشوي ثم نفتتها ( ونخليها من العظم والجلد )ونوزعها في 4 اكياس ونضعها في الفريزر …. وناخذ كيس ونعمل منه الشوربه وبهذا نوفر الوقت علينا
المقادير :
كيس من الدجاج المحضر مسبقا
5 كاس ماء
2 حبة مكعبات ماجي
1 كاس حليب سائل
نص كاس ماء مذوب فيه 4 ملاعق نشا
كزبره او اشبنت حسب الموجود
علبة ذره صغيره وعلبة مشروم صغيره
الطريقه :
نضع الخمس اكواب في القدر على النار ونضع الدجاج والمكعبين الماجي
وحتى لو مجمد مثل الصوره راح يذوب بسرعه
ولما يغلي نحط الذره والمشروم بعد ما نصفيهم من مائهم
ولما يبدي يغلي الخليط نضيف الحليب ونحرك فيه
بعدها نضيف عليه النشا المذوب جيدا في الماء ونحرك الخليط بسرعه وراح نلاحظ انه ثخن بسرعه
بالاخر نضيف الخضره الاشبت او الكزبره
ونخليها على نار وسط لمدة عشر دقايق ثم تقدم
راح نلاحظ انا ما اضفنا عليها اي نوع من البهارات او الملح
وممكن تحطين عليها قطرات من صوص الصويا او عصير الليمون اثناء شربها
وعليكم بالعافيه
يسلام على الشربه
تسلم ايدك لذيذه وطعمه وانا احبها جدا
لكي مني كل التقدير والود
تسلمي وهذا من ذوقك وان شاء الله راح تعجبك اكثر ان جربتيها
والله وقتها في الشتا بتدفي وبتغذي في نفس الوقت
يعطيك العافية يا مبدعتنا….
وبانتظار طبق آخر من اطباقك الشهية ..
ما شاء الله عليكي يا أم عزيزان … فنانة ووصفاتك كلها رهيبة …
تسلم الأيادي ..
وعود الخير
تسلمييين عزيزتي وان شاء الله ان جربتيها راح تعجبك كثيييييييييير وان شاء الله راح تكون مضبوطه
انتظر رايك فيها عزيزتي
وكلك ذوق وان شاء الله الجديد راح يكون بقسم الحلويات لاني احب الحلو كثير
هالة البدر
تسلمين عزيزتي وهذا من ذوقك والحمدالله انها نالت على اعجابكم
رندوش
الله يسلمك عزيزتي وسعيده بمتابعتك
تسلمي عزيزتي
فتون
راح تعجبك باذن الله
وانتظر رايك فيها