كيفكم يا صبايا.. ما بدي الت واعجن كتير بس اليوم جايبتلكم شوربه انا بعملها وكل مين ذاقها عندي بينهبل بطعمها..( يم يم اشتهيتها ) .. انا قلت ما بدي الت واعجن .. خليني ابلش
المقادير و طريقة الطهي:
باكيت شوربه ماجي الفطر تعمل حسب الارشادات ( لتر ماء بارد و يوضع فيه الشوربه و تحرك على النار الى حد الغليان)
علبة ذره بالكريمه (مش الذره العاديه.. ذره بالكريمه.. دايما بتكون جنب الذره العاديه ) توضع على الشوربه بعد ما نعملها و بنخليها تغلي غلوه عالنار و بعدين بنجيب علبة قشطة كي دي دي أو نستله و نحطلها شوية ماي و نخفقها و بعدين بنصبها عالشوربه ( اذا حطينا القشطة مباشرة عالشوربة ممكن تفرط القشطه.. علشان هيك بنخفقها شوي اول ). و خليها تغلي كمان غلوه
بتحطي شوية ملح و ذوقي و ادعيلي
اختي تسلم يديك بس بدك ندعيلك او ندعووووووووووووووووو
لانها دسمه كثير و بتسمن اكيد انت ضعيفه و بدك كم كيلو من عندييييييييي
والله بمزح معاكي بس اكيد لذيذه في البرد اللي عندي بجربها و بقلك
بس المشكله ما في عندنا ذره بالكريمه ممكن نضيف كريمه من عندنا عليها
تسلمييييييييييييي
الله يبارك فيك
ياليتك تظلي تلتي وتعجمي كثير..
من هالأطباق الشهية
ومثل ما قالت رندوش الحال من بعضه كريمة الذرة غير متوفرة…
تسلم الأيادي يا رنا وبانتظار المزيد من الأطباق الشهية.
لازم نجربها
هلأ في حال ما توفرت الذره بالكريمه ممكن الذره العادية تضربيها ضربه بالخلاط و بعدين تحطيها و مافي داعي تحطيلها كريمه معها لانك اصلا رح تضيفي قشطه ( وفرت عليكم اكمن كالوري)
هلأ اللي بيقول اني ضعيفه بيكون غلطان .. وزني 75 .. بس شو اعمل.. بحب الاكل
رنا
ياعيني عليكِ
وصلتي لعاشقه القشطه والكريمه والشوربات
يعني رح ادعي لك على الوصفه بس بعد مااكلها رح اهللللللللللللللللللللللللللللللل لك 
يسلمو الايادي ولا تحرمينا من هالاشياء الطيبه
يسلمو يا رنا
اللي بتدفي في هذا البرد 
اللي فهمته ان الفرق بين الذره المعلبة العادية واللي بالكريمة انك تضربي التانية بالخلاط
بس ممكن احطها كاملة لأني هيك بحبها وبحس ان شكلها وهي مضروبة رح يصعب علي <<<<<<<< يعني اني صاحبة نكتة .