كيفكم يا حلوين وكيف الصيام معكم الله يقدرنا واياكم على العباده
راح اكتبلكم طريقة عمل صينية بطاطا مهروسه بس كثير طيبه وهذه طريقة أمى الله يخليها بس للامانه رووووووووعه
طبعا مقاديرها :
بطاطا على حسب الكميه اللى بدك اياها تغسليها وتسلقيها لغاية ما تستوى عالآخر
تقشر وتهرس جيدا انا احيانا بطحنها فى مفرمة اللحمه
تخلطى معها نص كوب حليب وشوية زيت زيتون الحليب سائل وملح وبهار وتعجنيها جيدا مع بعض
ندهن صينيه بزيت زيتون ونفرد قسم من البطاطا فيها وتكوو سميكه شوى
تحضرى الحشوه اللى هي عباره عن لحمه مفرومه وبصل تقلبيهم عالنار مع الملح والبهار وشوية صنوبر لغاية مت تستوى وتفرديها فوق البطاطا بعدين نغطى اللحمه بباقى البطاطا وتفرديها على ايدك وتحطيها فوق اللحمه لغاية ما تغطيها ادهنى وجه الصينيه بشوية حليب وقطعيها مربعات ودخليها الفرن لما تشوفيها استوت من تحت ولعى عليها من فوق لغاية ما تتحمر
وصحتين وعاااااااااااااااااااااااافيه
معلش انا كتبتها مثل مابعملها والمقادير كل واحده بتتحكم فيها
جربوها وطمنونى
بانصحكم فيها لاني عملتها اكثر من مرة…
تسلمي انك ذكرتيني فيها…
شكرا حبيباتى على مروركم
أسعدتونى بقراءتكم 
بس أنا بحط بعجينة البطاطا أيضاً بيضتين حتى تتماسك لما تدخل الفرن.. وبس
شكرا يا اخت ايمان على مرورك
لو نقعد نطبخ كمان مية سنه ما راح نطبخ مثل امهاتنا لهم نكهه خاصه 
وراح اجرب احط مع البطاطا بيض تسلمى
تسلم ايدك غاليتي
اخلى صينية من احلى هالة 
أنا كثير بنبسط بس اشوف ردك على أى موضوع أنت ام الذوق كله
يعني تغيير لكن صراحة الطبق حلو كثير