كلامي صحيح و منطقي
صينية حلو للفلسطينين
لانه الفلسطينيات بس هم اللي حيعرفوا يعملوه
أكيد
بس مش لأنه القدرات عنا غير عن الكل
لأ و ألف لا
الكل خير و بركة و ما شاء الله الكل مبدع
بس المشكلة في
.
.
.
.
.
.
.
.
المكونات :-
بسكوت ماري أو سبلة سادة
1 باكيت جلي (أوسم أو دريم) اللي تثقوا فيه و تحسوه بيجمد طعم فراولة
1 زبدة حلوبات (محمآه) و هي زبدة لونها من برة دهبي بأحمر
1 كوب شاي سكر أكثر أو أقل
قطع فراولة للتزيين يمكن تقولوا وين المشكلة باللي فات كله
أنا بقول ما في مشكلة لحتى الأن
.
.
المشكلة في الاتي 3 كوز لبن شمينت (أكيد اللي برة غزة و الضفة ما بيعرفوه) و هو لبن دسم كتييير غير عن اللبن العادي و ما لاقيت زيه بره اللي تعرف تقولنا با جماعة يمكن فيه منه و انا ما بعرف)
الطريقة:
تسيح الزبدة بحرارة خفيفة يعني ما تسخن بس تبقى سايحة
بنخلط عليها السكر كويس
بعدين بنضيف اللبن
و نخلط كويس ليصير مثل الكريمة
بعدين بنجيب صينية بايركس مستطيلة أنا ما عندي فعملتها بصينية بيضاوي
بنرص بسكوت طبقة و شوية لبن
وكمان مرة بسكوت و شوية لبن
و المرة الأخيرة بسكوت و عليها لبن كثيير (باقي الكمية)
و بالاخير بنقطع الفراولة شرحات و بنصفها بالترتيب لتغطي كل الصينية
بعدين بنعمل الجلي حسب التعليمات اللي على الباكيت و بنصبه فوق قطعة فراولة على الصينية لحتى ما ما تصيص الصينية (يا رب تكونوا فهمتوا الموضوع)
و بعدين بالثلاجة
و صحة و هنا
بكرة ان شاء الله بضيف الصور لأني ناوية أعملها اليوم
يا بنات لو في عندكم زبادي نسبة الدسم فيه اكثر من 15% بيكون هو اللبن المطلوب.
وصحيتن وعافية.
شكرا دعاء…
راح اجربه.
بعدين وين الباقيين يلا بدي الكل يشارك
راح اجربه باذن الله
يا عيني عليكي يا دعاء ..
مشكلة الشمينت انه بالفعل مش موجود في الخارج واذا كان موجود طعمة يختلف عن الموجود هنا
هو مكتوب عليه بالأنجليزي sour crem 12%
لكن اهلي يعيشون في نيوزيلاندة وهناك طعم sour crem يختلف وانا عشت في بلاد كثيرة غير موجود شبيه له بالطعم ..هو مثل اللبن الدلع او قليل الحموضة
ومصانع الالبان الفلسطينية تأخذ الروبة من الشمينيت الاسرائيلي.. اول مرة تعمل فيه ثم تستخدم المحلي
لو بيتهرب لعمان كنت هربته بس بيخرب في الطريق
تسلم ايديك يا دعاء
ان شاء الله سأجربها قريبا الدنيا شوب واذا عملتها ساصورها لكم
