( فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلا مَعْرُوفًا)
(وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ )
قال صلى الله عليه وسلم (ماتركت بعدي فتنة أضر على الرجال من النساء) متفق عليه
لو إنتي ماشية كده فى الطريق ولا فى الجامعة ولقيتي مجموعة ولاد وبنات واقفين بيهزرو قفشات وهزار عادي إنطباعك بيكون إيه؟!
طيب لو شوفتي إلى بيهزرو دول ملتحين ومنتقبات أو شاب شكله محترم وبنت حجابها طويل؟!
أنا شخصيا مرة شوفت منظر زي كده وكان باين إنهم زمايل أقسم بالله كنت هجيب إلى فى بطني من القرف طبعا مبتكلمش على بتوع الجيل والبنطلون المقطع ولا الميكرو والميني بتكلم على واحدة لابسه حجاب شرعي بتهزر مع واحد شكله عادي الباقين يقرفو بس متوقع منهم كده
طبعا دي حاجات موجودة ..وأحسب إن أغلبنا بينتقدها
وكلنا على يقين إنه لو كانت العادة تسمح إنك تقعدي وتدردشي وتهزري ! مع إبن عمك أو إبن خالتك مثلا مش هتقبلي كده لأن هذا لا يجوز والإختلاط بلا ضوابط وضرورة لايجوز ومن لاتساعدهم بيئتهم على ذلك من بيننا يجاهدون جهاد كبير جدا لإيقاف ذلك أو الحد منه ..
طيب إنتي من ساعة ما ألتزمتي مبقاش عندك زمايل فى الجامعة ولا بتقفي مع ولاد عمك تهزري وتتناقشي وبطلتي الإس إم إس والرنات
وحبيبتي يكون ليكي صحبة صالحة على النت وأشتركتي فى منتدى إسلامي فهل يعقل ألا تجلسي مع إبن عمك وإبن خالتك وصاحب أخوكي وزميلك فى الجامعة ولو مخطوبة علاقتك مع خطيبك بضوابط
لكن فى المنتدى الموضوع فري جدا؟!
طبعا فيه هيبصولي أوي ويقولو مالها دي! إنتي عايزة تجيبي واحد ولاعمري شوفته ولاسمعت صوته لواحد قاعد قدامي بلحمي ودمه؟!
لا طبعا أنا فاهمه الفرق بين ده وده لكن تواصلك مع الرجال على الإنترنت تواصل! لكن تواصل جزئي وقد يكون أشد خطورة
مرة والد فاضل قال على منتدى هل يُعقل أن نظن أن الشاب الذي يجلس خلف الشاشة لاقلب له !
دي المشكلة أنا بلاحظ إن في أفاضل كتير فاكرينها كده إن مادام مش شايفها ياخد راحته وهيه كمان
وقد أكون على يقين إن الأخت لو واحد قالها السلام عليكم فى الشارع حالها هيتقلب 360 درجة لو حتى بيسألها عن حاجة ضرورية لكن فى النت رافعه الكلفة كتير وفاصله الموضوع تماما ولا أدري كيف يعقل هذا؟!
طيب لو جينا نتناقش فى الضوابط إلى بقت متعلقة فى المنتدى بركة للأسف!
ممكن تلاقي أخت تقولي إنتي ليه معقداها كده!!! فيها إيه لما أقوله يافلان حاف !
هوه الصحابه كانو بيقولو يا أخت فلانة!
ودي في رأيي مصيبة مركبة وجهل شديد لأن الصحابه كان عندهم تقوى رهيبة وده ثابت بالأدلة
فضلا عن آية الحديث من وراء حجاب نزلت فى أطهر قلوب أمهات المؤمنين المحرمات على الرجال من بعد الرسول صلى الله عليه وسلم والصحابه أطهر خلق الله الذين أطلع الله على قلوبهم وأصطفاهم لصحبة النبي صلى الله عليه وسلم
..هيه مش الفكرة في إني أقول يا أخ فلان
هيه الفكرة فى إلي ورا كده وإن دي بتفتح باب واسع جدا للتباسط والألفة
وبعدين العرف بيحكمنا
لو إنتي ماشية فى الشارع ولا راكبه مواصلات ولقيتي واحد بيقولك يا فلانة حاف هيبقى وقع كده على نفسك الرفض ..وإلى حواليكي هيقولو دول واخدين على بعض كده ليه!
طيب ليه بنفصل بين الواقع و النت؟!
ودايما كنت بقول لنفسي و لأخواتي المنتدى مش حجة لأنك تاخدي راحتك فى الكلام المنتدى حاجة تخليكي متشاركيش غير لضرورة وياحبذا لو خليتي كلامك عام كمان قدر الإمكان
لأنك مثلاً فى الواقع لو عندك زميل فى الجامعة يستحيل تقفي وتتناقشي معاه
لكن لو هوه عضو فى منتدى هتبقى فيه فرصة وحوار ونقاش و….
فلو وقفتي معاه فى الواقع _وده طبعا حرام_وأتكلمتي كلمتين على الماشي أرحم من إنه يعرف دماغك وميولك ويعجب بفكرك ويدخل على مواضيعك ويقولك إنتي رائعة ولامواضيعك رائعة ويدور عليكي لو غبتي شوية و…
منقول
رجاء المشاركه من الاخوات فقط في موضوعاتى