أخواتي العزيزات
عندي مشكلة ، رافعة ضغطي وأكيد رافعة ضغط بنات كثير
أبي حل لمشكلة حب الشباب، عندي حب شباب خفيف في وجهي
وفي ظهري ومو عارفة إيش أسوي..
رحت لطبيب أمراض جلدية معروف عندنا بس ما بقى كريم ودوا ما عطاني
وأخرتها ما فاد ولا شفت أي تحسن.. وجربت كريمات كثيرة بس أبد ولا فيه فايدة.. sid
فكل إللي أطلبه منكم إللي تعرف كريم أو صابون أو خلطة مفيدة ومُجربة
تعطيني أسم الكريم أو الخلطة ولكم كل الشكر على هالخدمة
وراح أدعي لكم .. 
أنتظر ردودكم
ولكم مني أطيب تحية
هل البشرة دهنية؟؟؟
هل عندك حساسية من شيء معين؟؟؟
وابتعدي كل البعد عن اي كريم او خلطة حتى ولو كانت مجربة لأن بشرتك الان حساسة واقل شيء قد يؤثر عليها سلبآ كذلك ابتعدي عن التقشير نهائيآ الى حين زوال هذه الحبوب….
هلا حبيبتي هموسه نورتينا
شوفي قلبي لو تبين بتغيير حلو اتبعي هالخطوات
اول شي ابتعدي عن الكاكاو والدهون كثر ما تقدرين او على الاقل قللي شويه
ثاني شي استعملي صابون طبي او غسول طبي
وانا اقترح عليج صابونة البابايا لانها ممتاااااااااااااااااااااااااااااازه ولي تجربه معاها والحمد الله نجحت
وايضا غسول كلير اند كلير البنفسجي لانه يناسب جدا الفتيات في سن المراهقه بسبب حب الشباب
ثالث نقطه بعد الاكل والصابون هي التظيف .. نظفي بشرتج بالاسبوع مره على الاقل ( ميلك + تونيك + ماسك)
بس لازم ماركه طبيه لمنتجات التنظيف هذه..
رابع نقطه واللي غيرت حيااااااااااااااااااااتي وغيرت بشرتي فووووووووووووووووووق الىتحت:
تونيك وكريم يومي تستعملينه والله ثم والله لما جربته حسيت بفرق موووووووووووو طبيعي وكل اللي يشوفني من اهلي او صديقاتي يشهد بصفاء بشرتي بعد ماكنت اعاني من الحبوب والاثار..
لا تخافين ما اعطيج شي مو واثقه منه ولا اروج المنتج ولا اعطيج شي ما يناسبنوع بشره ويناسب نوع آخر لا ها يناسب كل انواع البشره
الكريم اسمه مينا علبته ورديه ورخيص الثمن
التونيك اسمه: rdl babyface astringent رقم 1 أخذي
وانا دايما اوصف الكريم والتونيك هذا للي يعانون من حب الشباب والآثار ايضا في اكثر الاحيان
استعمليه قبل النوم وبالنهار وقت اللي تكونين في البيت مو طالعه
يعني لا تستعملينه وتطلعين
واستعملوهم اكثر من وحده وكان فايدهم وايد منهم خالتي..
اتمنى اني اكون فدتج عزيزتي
سلام
أنا بشرتي دهنية علشان جذي ظهرت هالحبوب
والحبوب إللي بظهري كانت موجودة من زمان
بس إللي بوجهي ظهرت بالفترة هاذي…
وأنا ما أسوي تقشير ولا أسوي أي شي بويهي..
مشكورة على المرور والرد وعدم إهمال طلبي
هلا والله أختي مس بيوتي
النور نورج حبيبتي..
مشكورة عزيزتي على كل إللي قدمتيه وأتمنى إنه يفيدني
وإذا فادني راح أبلغج بالنتيجة 
بس عندي كم سؤال:
الغسول إللي حق كلين & كلير، تقصدين إللي يكون بالعلبة سائل بس لما تحطينه باليد يصير مثل الرغوة؟؟؟
إللي هو Fresh Foam Wash؟؟
وبالنسبة للميلك والتونيك والماسك، ممكن تعطيني أسم شركة مثلا إللي أنتي تستعملينه؟؟
وشرايج بماسك كلين & كلير؟؟
والكريم مينا والتونيك، أحصلهم بالصيدليات وإلا ما يتحصلون بسهولة؟؟؟
وشي أخير أختي وأسفة على كثر أسألتي، إللي حددتيهم هذول يخصون الوجه
شلون عن الظهر..؟؟ عندج حل ولا ما لي أمل؟؟
أنتظر أجوبتج حبيبتي ومشكورة مرة ثانية
بالنسبه للغسول كلين اند كلير اهوا نفسه السائل واذا حطيته يصير رغوه والحلو فيه ان ما ينشف البشره
الميلك والتونيك والماسك انا استعملت من نيفيا فيزاج من جم سنه خفيف على البشره وطبي وممكن تستعملين ماركة لوريال ايضا حلوه.. بس انا استعملت اكثر شي نيفيا فيزاج..
بس ماسك كلين اند كليرما استعملته والله ماقدر اعطيج رايي فيه.. بس الغسول جربته وايد حلو.
اما التونيك اللي ذكرته والكريم مينا مادري انتي من وين حبيبتي بس ممكن تحصلينهم بالصيدليات وانا حصلتهم عندنا بالعطار حتى تخيلي واسعارهم وايد رخيصه .. بس قوليلي انتي من وين
حبوب الظهر انا انصحج ان تبتعدين عن البيبي اويل مثلا لا تستعملينه وقت الاستحمام
واقترح عليج صابونة زيت الزيتون اللبناني او صابون البابايا
ديري بالج لا تستعملين اي مقشر للحبوب لان ممكن يضرج
ودايما خلي المنطقه ناشفه وبعد الاستحمام استعملي باودر جونسن حتى ينشفهم اكثر
واذا خفت حبوب الظهر قوليلي حتى اقولج شنو اللي تتبعينه اذا خفت انشالله
واي سؤال بالخدمه
همووسة عندي جم سؤال .. ابيج تجاوبيني عشان عندي لج حل وااايد زيين وانا جربته .. بس اشوف اذا كان حبوب ويهج نفسي وجذي ..
1) شنو نوع بشرتج ؟ ( دهنية ولا جافة ولا عادية)
2) حبوب ويهج كبيرة ؟ ولا صغيرة ؟ ولا في كبيرة وصغيرة ؟
3) شنو الكريمات والصابونات اللي كنتي تستخدمينهم او الخلطات ؟
ردي علي واعطييج جواب انشاالله 
غاليتي استخدمي مجموعة كلينك الخاصة بالبشرة الدهنية فهي افضل ماركه للبشرة الدهنية
واستخدمي الغسول تبعهم صباحأ ومساءآ ومع الاستمرار راح تشوفين النتيجه…
ومثل ماقالت مسموس ابتعدي عن الشوكلاته والمقالي قد ماتقدرين…
وحيــــاك الرحمن غاليتي…
صعب انه يزول…
والسلام عليكم…
خذي مني الكلام المجرب والمضمون ومناسب لكل أنواع البشره
أنزل لأقرب صيدليه وخذي أسم هالكريم وأطلبيه
( جمجوم فارما ) لحب الشباب فيه خط أزرق فاتح
ورغوه من الصيدليه أسمها ( sebamed) لحب الشباب وأزاله البثور والكلف والنمش وبقعه وأثارها
أستخدمي الرغوه 3 مرات باليوم للوجة ومكان البثور بالظهر بالدعك وبقائه خمس دقايق على البشره وغسلها بالماء البارد
والكريم وقت النوم بس
واشربي 3 مرات باليوم عصير جزر طازج أو جاهز
والنتائج مضمونه ومريحه جداً وملموسه للغايه
بس عشان تنجح هالطريقة لازم تبتعدى كليا عن المقليات والدهون والشوكلا طول فترة العلاج بهالطريقة
الطريقة او العلاج
1= اغسلى وجهك بصابون دوف او صابون كبريتى او الصابون العربى { الاخضر مصنوع بزيت زيتون }
……. او ….
2= اغسلى وجهك بنيتروجينا الغسول السائل بالصبح والليل و لا تستخدمى اى صابون اخر معة
……ووووووووووووووووووو…………..
لازم تحطى هالقناع على الاقل 2 مرة فى الاسبوع {{{ 2 ملعقة حمص مطحون+ 1 ملعقة حليب + ملعقة عصير ليمون }}}
واتمنى انك تثقين فيا وتجربيهن ورح استحق دعاك…….. وانت تستحقين الخير واكثر …. 