عزيزاتي وحبيباتي
هذا الطبق رهيب وعن نفسي من تجربتي الكل يشهد له لانه لذييييييييييذ جدا
اولا: المقادير:
الطبقه الاولى:
كيك سويس رول بالفراوله حجم كبير6 او 7 اكياس على حسب حجم قالب البايركس
الطبقه الثانيه:
6 حبات جبنة كيري
6 شرايح اناناس
علبتين قشطه
4 اكياس دريم ويب
نص كيس كريم كاراميل
نص كيس جلي اناناس
الطبقه الثالثه: اللي راح تكون فوق <<<<<<<< يعني ع الوش :
علبتين جلي فراوله
جينا الحين ياوخياتي للطريقه<<<<<<< الاخت قامت ترفع اكمامها كانها بتصارع
ماعلينا
المهم
نقطع السويس رول لشرايح ونصفه في القالب
والمقادير اللي ذكرتها في الطبقه الثانيه نمكسها في الخلاط لحد مايصير خليط متجانس مثل الكريمه بس اثقل شوي
وتصبين الخلطه ياطويلة العمر فوووووووووق السويس رول ولاتتركين اي قطعه من الكيك تبين… اوتسيه؟؟
وتحطينها في الثلاجه لحد ماتبرد
في هذي الاثناء تاخذين الجلي وتذوبينه في كاس ونص ماي وتحطينه ع النار لحد ماتذوب حبات الجلي
وبعد مايخلص تحطينه في الثلاجه لحد مايبرد تماما بس انتبهي لاتتركين الجلي لحد مايتجمد!!!!!
بعد مايبرد الجلي خذي ملعقه كبيره ورشي الجلي بشويش على الطبقه الثانيه لحد مايغطيها كلها واتركيه لحد ما يجمد
واذا تحبين تزينين الطبق >>>>>>> انصحك بالكيوي اذا كنتي تحبين الكيوي وشرايح فراوله
وصحتين على ألبكون
لاتنسون تدعون لي اذا اعجبكم واذا ما اعجبكم لاتدعون علي
الله يعطيك الف عافية
و على فكرة حبيبتي … ممكن تمري على موضوعك
انواع مختلفة من البسكوت(مع الصور) تفضلوا
و تقرئي الردود التي في الصفحة الولى و التي في الصفحة الاخيرة
و بعدين ردي عليها
