السلام عليكم ورحمه الله وبركاته
ازيكم يا بناااااااااااااات
والله زهقت من اللحوم والطيور
قولت اغير واعمل مكرونه بالخضروات
كانت جميله جداااااااا وخفيفه
وجربوها هتعجبكم باذن الله
المقادير
-كيس مكرونه(400 جرام)
-بصله كبيره شرائح
-3 فصوص ثوم مفروم
– حوالى نصف كيلو بروكلى
– 10 حبات مشروم شرائح
-4 طماطم مفرومه
– كوب ريحان اخضر مفروم خشن
– ربع كوب زيتون اسود شرائح
– 4 بيضات كبيره
-1.5 كوب لبن
-ربع كوب جبنه رومى
-2 كوب جبنه موتزرلا
– 3 م/ك بقسماط ناعم
– 2 م/ك زيت زيتون
– 1 م/ ك زعتر
-
الطريقه
-
نسلق المكرونه مع اضافه زيت اثناء السلق
-
نسخن الزيت فى طاسه واسعه نضيف شرائح البصل ثم الثوم حتى يذبل ثم نضيف المشروم مع تشويحه خفيفه ثم نضيف البروكلى حتى يطرى ثم نضيف الطماطم والزعتر والملح والفلفل الاسود ونغطى الطاسه ونتركها على النار حتى يتوى البروكلى
-
نخلط اللبن مع البيض جيدا ثم نضيف الفلفل الاسود والجبنه الرومى
-
نخلط المكرونه مع الخضار ونقلبهم مع بعض
-
نضع الخليط فى قالب الفرن ثم نضيف عليه خليط اللبن وعلى الوش الريحان المفروم والزيتون الاسود ثم الجبنه الموتزرلا
-
نغطى الصنيه بالفويل وندخلها فرن ساخن على درجه حراره 180 لمده 20 دقيقه وبعده كده نرفع الغطاء لمده 10 دقائق
-
فعلا طعمها راااائع جدا وخفيفه قوى والريحان فيها يجنننن مع البروكلى وباقى المكونات
- [center]
-
بالف هنا على قلوبكم وان شاء الله تجربوها وتقولولى ايه رايكم
جوعتينا الله يسامحك
تسلم ايدك يا جميل و طبعا انا اول واحد ارد
و الطبق من نصيبى هاااااااااااااااااااااااااااا
بالف هنا الطبق ويارب تجربيه ويعجبك
وشكلك انتى جعااااانه قبل ما تتدخلى
وشكراا لمرورررك يا قمر
شكلها مشهي جدا