الرجاء أخواتي أن تعطوني طريقة طبخ الارز ذو الحبة الطويلة لأني مرة عملته على المقلوبة و خبص من تحت و من فوق كان مفلفل كويس و سمعت أنه الله طريقة في الطبخ مخصوص غير الطرق العادية
أفيدوني أفادكم الله
شكرًا
لا تطنشوني
انا مرات انقعه شوي يعني من 5_ 10 دقائق
بعدين اطبخه مقدار بمقدار يعني كاسة رز بكاسة ماء وان شاء الله تزبط معك
لاني سمعت أن العض يسيبها حتى تغلي و تمة يسكرها
انقعيها لمدة ربع ساعة بماء بارد وملعقة ملح خشن… ثم صفيه وارتكيه لمدة 5 دقائق بالمصفاة
وبعدين ضعي مقدار من الشوربة او الماء مع الاضافات وارتكيها تغلي ثم اضيفي الأرز وتكون الشوربة بارتفاع 3 سمن تقريبا
ديعها تغلي لمدة دقائق معدودة ثم اخفضي النار لأقل درجة ويفضل وضع الطنجرة فوق حديدة واحضري فوطة مبلولة بالماء وضعيها على الغطاء لحفظ البخار وبعد عشر دقائق اكشفي عنها وبتشوفي ان احتاجت لمزيد من الماء بس لا تحركيها .
ثم اطفي النار وارتيكها مغطاه لمدة ثلث ساعة او اكثر وعند السكب حركي واسكبي
وصحتين وعافية
وانا جاهزة لأي استفسار
وبعدها اضعه في الطنجره واضع غمرته بزياده الشوربه او الماء
واتركه يغلي على النار شويه وبعدها اغلق الطنجره عليه
واتركه 7-10 دقائق وبعدها اطل عليه اكيد رح يكون مستوي
واترك الغطاء بعد ما اطفي النار كمان خمس دقائق هيك اذا في حبه تايهه مش مستويه بتستوي
ونصيحه مني اذا عامله مثلا 3-4 كاسات رز هذه ما بتخبص اما اذا اكثر لازم تكون الطنجره عرضه مش عميقه
لانه لو كانت عميقه الرز بيجي مخبص من تحت ونيء من فوق
واحكيلك على طريقه اتذكرتها هسه
عادي اطبخي الجاج او اللحم وجهزي طنجره ايديها مش بلاستيك وضعي في قاعها باذنجان مقلي او زهره مقليه او حتى طماطن شرائح
واضيفي الرز طبقه رز وطبقه باذنجان وفوقها اللحم ااو الجاج
واضيفي الشوربه غمرتهن وزياده شويه وبعدها غطي الطنجره بالقصدير وادخليها للفرن في الوسط
والنار من فوق وتحت وبعد 10 دقائق اطفئ النار من فوق واتركيها يعني بتقعد نص ساعه او ساعه الا ربع
بس شو مقلوبه مقلوبه بتقلبها في صينيه بتكون زي قالب الكيك يم يم والرز اله نكهه
بس اهم شي ايدين الطنجره من بلاستيك علشان ما تذوب وهي في الفرن
وصحه وعافيه واي سؤال انا في الخدمه
ايوه انا بحمر الجاج نسيت احكي