طريقة عمل اللومي الأسود 2024.

(((تراه معبي السعودية وين ماتروحين تلاقينه ونشربه مع الشاي مثل ماهو بس نقطعه ونضعه في كاس الشاي ونصب عليه الشاي الأحمر يروق الأعصاب)))

1-أفتحي الكيس على مهل موتقطعينه( تراه مثل الشبك ولونه أخضر )

2-اختاري من الكيس حبات الليمون الكبيرة ذوات القشرة الرقيقة أفضل الصفراء وناس يقولون الخضراء أنتو جربو النوعين واللي يعجبكم استمروا عليه

3-حافظي على كيس الليمون لانك راح تحتاجينه

4-اغسلي الليمون جيدا ونشفيه من الماء

5 -احضري سكينة وغزي الليمونة غزتين في جهتين مختلفتين علشان تطلع منه الموية
كل الليمون اللي غزتيه(((موتشقينه نصين)))تضعينه في مصفي وتحته صحن علشان الموية اللي راح تطلع منه(عصير الليمون

6-حطيه في البلكونة على شمس مدة يومين مع التقليب لأنه يلصق على بعض بسبب الماء

7-ثم تحضري صينية كبيرة وضعي عليها فوطة قطنية وتضعي عليها الليمون وتقلبيه كل كم يوم

8- ضروري يبقى في البلكونة على الشمس يمكن تشمين روائح ماتعجبك بس مايهمك
يبقي في البلكونة مدة شهرين لأن في داخله موية كثيرة (((((على الشمس لا تنسون الشمس والا والله يعفن )))) هذا سر اللومي التجفيف الجيد على مهل

9-أكيد طوال هالفترة أنت مراقبة الليمون لاتهرب حبة ولا شيوتقلبينه لايتجمع عليه الغبار
ثم تضعينه في كيس الليمون القديم أبو شبك أخضرلا تقولون رميتوه ياويلكم أنا نبهت عليكم واللي رمته تأخذ كيس بصل وتحط فيه الليمون في البلكونة أو المطبخ مو مهم ولكن مدة شهر أو اكثر

10-بعد هالفترة تحفظيه في علبة مغلقة ومكان مظلم وستلاحظين رائحة اللومي بدأت تظهر ((في داخل العلبة طبعا))

العملية سهلة بس المدة الطويلة هي الأزعاج لكن علىفكرة اللومي يعيش سنوات فلا يهمك
نسيت اقلكم _ _ كل ما طالت المدة كلما زاد سواده حتى بعد الحفظ في علبة راح يزيد سواده _ _

هام وعاجل: * لازم الليمون ياخذ هالوقت حتى يجف من الدااااااااااااااخل
* ولازم ليمون بن زهير

ادعولي ارجوكم يتحقق اللي في بالي وزوج صالح