طريقتى فى عمل البيتزا بالصور من مطبخى 2024.

جبت لكم طريقتى المتواضعة فى عمل البيتزا
انا عارفة طبعا ان طريقتى متجيش حاجة جمب
وصفاتكم الجميلة للبيتزا بس حبيت اشارك بحاجة

المقادير للعجينة
نصف كيلو دقيق – بيضة – قطعة خميرة فى حجم عين الجمل – حوالى كوب الا ربع لبن – 2 ملعقة زيت – ذرة ملح – ملعقة صغيرة سكر
الصلصلةوالحشو
طماطم – ثوم مفروم – معجون صلصة طماطم – قليل من الزيت – ملح – فلفل اسمر – بهارات – فلفل اخضر مقطع مكعبات – زيتون اخضر جبن رومى مبشور – طماطم مقطعة شرائح

الطريقة
نضع الخميرة فى نصف كوب ماء دافئ وملعقة سكر ونتركها تتفاعل ثم نضع كل مكونات العجينة مع بعض ونعجن حتى نحصل على عجينة طرية ملساء

نغطيها ونتركها لتختمر
نعمل الصلصة نحمر الثوم فى قليل من الزيت ثم نضع معجون الطماطم وعصير الطماطم ونظبط الملح والبهارات ونتركها على النار حتى تتسبك
وده شكل العجينة بعد ما خمرت
والعجينة دى المعتمدة عندى فى عمل البيتزا
وعملت منها صنيتين

نفرد العجينة فى الصوانى ونضع الصلصلة
والجبن والفلفل والزيتون والطماطم

ندخلها الفرن لمدة نصف ساعة وده شكلها بعد ما خرجت من الفرن

يارب تعجبكم

وربى يعطيكى ما تتمنى عاجلا غير اجلا
اللهم امين