** طريقتي بعمل البيتزا مع الصلصة البيتية اللي من اختراعي تفضلو 2024.

كيفكم صبايا كل عام وانته بالف خير
حبيت اليوم اني احط طريقتي بعمل البيتزا
وهاي الطريقة معتمدة عندي من خمس سنين والحمد لله
طبعا العجينة هي عجينة العشر دقائق
مع بعض الاضافات للعجينة وهي بيضة ومعلقتين لبن زبادي ومعلقة صغيرة بكنج باودر
بعد ما تخمر بنفردها على الصينية وياريت تكون العجينة رقيقة
بنحط عليها صلصة البيتزا وهاي طبعا الصلصة من اختراعي
والله كل من ذاقها بفكرها جاهزة
مقادير الصلصة عبارة عن
بصلة كبيرة مفرومة ناعم
كاتش اب وانا بفضل هاينيز طعمة روعة
معجون طماطم معلقتين كبار
معلقتين كبار مايونيز
ملح وبهارات وزيت زيتون
زعتر اخضر ورق مفروم خشن
بنخلطهم منيح مع بعض وما تخافي اذا لون الصلصة على بياض او برتقالي
لانها راح ترجع حمرة بعد الشوي
طبعا منحط الصلصة على العجينة وبتحطي الخضار اللي انتي بتفضليها
وطبعا الحبنة اللي بتحبيها وبنتركها ربع ساعة اواكتر شوي ترتاح
وبعدين بنشويها وبنتركها تبرد بعدين بنقسمها
انشاالله طريقتي تعجبكم

تحياتي للجميع احبكم في الله

بسم الله ماشاءالله عليكى
وتسلم الايادى الجميلة
والف هنا وعافية على قلوبكم يارب
وقد صغرت الصور لكى يااختى الكريمة
وان شاءالله مشرفتنا الغالية تعدل الموضوع

يسلمو فروحة بيتزا بتشهي والصوص كمان زاكي لأانه تقريبا بشبه الصوص اللي بعمله بس انا بحط سن تومة وما بحط مايونيز بس اكيد رح اجرب اخط مايونيز المرة الجاي واشوف الفرق..يعطيكي الف عافية يا قمر