كيف حالكن يا بنات؟
بصوا بقى أنا جاية أقول لكم عن تجربتي مع شعري وهو طويل 
أنا اصلي فضلت فترة طوييييييييييلة بشعر قصير لأني شعرت أنه ملائم لوجهي أكثر
ولكن بعد ما اتخطبت قررت اسيبه يطول احم احم
وكنت مش عارفة كيف اعتني به بصراحة وكمان أنا من النوع الملول يعني ليس عندي طاقة على الوصفات الطوييييلة (اغلي وانقعي ورجي وسيبي يوم واتنين وكرري يوم بعد يوم…) مليش أنا في القصص دي
ببساطة أنا كل ما اجي اغسل شعري (كل 5 أيام) اخذ بيضتين ورشة فانيليا وملعقتين من خلطة السبع زيوت اللي الأخوات دلوني عليها بالمنتدى
واضربهم بالشوكة واحطهم على شعري واسيبهم لحد ما يجفوا وبعدها اغسل شعري بماء بارد وادهنه بنفس خلطة الزيوت وألفه دوامة
ومرة في الشهر كده بجيب نخاع الجمل من فتح الله جملة ماركت واعمل به حمام كريم وعلى فكرة خلطة السبع زيوت كمان بيعملوها في فتح الله جملة ماركت في ركن العطارة تلاقي كل ده.
بس بحب اضيف على خلطة السبع زيوت زجاجة اسانس برتقال علشان يخفي رائحة زيت الخروع والجرجير
بتسألوا كيف أحوال شعري الآن؟
مستمر في الطول وتعدى نصف ظهري وبيلمع وطري جدا ولله الحمد والمنة
فيه حاجة مهمة كمان وأساسية "الذكر" أنا طول ما بعمل أي حاجة في شعري لازم اسمي الله "بسم الله الذي لا يضر مع اسمه شئ وهو السميع العليم" وهكذا
كتبت بواسطة رنووشي 
عفوا أختي الكريمة رنووشي
كتبت بواسطة maryama حبيبتي ميرياما شكرا جدا على دعائك الطيب وجزيتي الفردوس الأعلى
و مبروك اسمك الجديد و لو انها جات متاخرة 
كتبت بواسطة Lojain
و مبروك اسمك الجديد و لو انها جات متاخرة
اللهم آمين حبيبتي لجين والله يبارك فيكي كلك ذوق يا ست الكل
كتبت بواسطة كيرلي كيرلي يا حلوة كنت مستنية ردك يا غالية علشان أبارك لك على "It’s a boy" وربنا يجعله من الصالحين ويسر ولادته
و عقبال ماتوصلي للأنتي عايزة ممكن اسألك ايه هم السبع زيوت
