طريقتي في عمل الدونات بالصور

لا تنسوني من ردودكم الحلوة و دعاءكم الطيب

مقادير العجينة:
3 كوب دقيق
6 ملاعق حليب بودرة
ربع كوب زيت
1.5 ملعقة خميرة
3 ملاعق سكر
1 بيضة
نصف كوب ماء للعجن
القليل من الفانيلا

للتزيين:
سكر مطحون
ومربى الموجود بالبيت عندكم
و صوص شوكولاه غامق
واذا بدكم مقاديره فهو كالتالي:
2 ملعقة سمن
4 ملاعق كبيرة كاكاو سادة بودرة
4 ملاعق حليب بودرة
نصف كوب سكر
نصف كوب ماء
فانيلا

الطريقة بالصور
اولا بنعجن العجينة ونتركها مدة نصف ساعة على الاقل لتخمر
وبعد متخمر بنقطعها لقطع متساوية عشان نبدأ نسويها ونفردها:

تكون ارتفاع العجينة حوالي 8 ملم

بالقالب الخاص بنقطع العجين (ممكن استخدام صحن شوربة مع فنجان شاي)

وبس ننتهى بنكون مغطيينهم بقماش عشان ما يتوسخو وبنفس الوقت يخمرو

ونحضر مقلاه لقلي الدونات (ممكن نحط على الزيت ملعقة سمن او زبد بيعطيه نكهة طيبة)

طبعا بنلاحظ انهم بينتفخو وبنقلبهم

وبنطلعهم على ورق نشاف عشان يمتص الزيت

ونقليهم لحد متخلص كمية الحلقات

نتركهم يتصفو من الزيت ونبدأ نقلي الكرات الصغيرة

ولما نطلعهم من الزيتو ونصفيهم نحطهم في القطر (الشيرة ) على طول وهم فيهم السخونة عشان يتشربوه

بهذه الاثناء بنكون حطينا مقادير الصوص الشوكولاة على النار لين يسير متماسك

بناخذ نصف كمية الدونات الحلقات وبنوضعهم بشكل افقي ومرتبي حتى نضع عليهم الشوكولاتة

بنتركهم على جنب عشان يجفو وممكن نوضعهم بالثلاجة

القسم الثاني بندهن وجهو بالمربي وبنرش عليه السكر المطحون

وبهيك بيكون عنا 3 انواع
1- بالشوكولاه
2- بالقطر (الشيرة)
3- بالمربى والسكر المطحون

طبعا ممكن كل الانواع نغمسهم بالشيرة وبعها نضيف المربى او الشوكولاه
بس انا بحب يكون خفيف
بالاضافة انو ممكن نعملو اكثر سماكة وباداه خاصة للدونات (مثل الابرة الخاصة بالطبيب) لحشووها من الداخل بالمربى او الشوكولاه

هل بخليكم مع اخر صور للدونات التقطتها قبل ميخلصو الفاميلي عليهم

طولت عليكم

بس انشالله تكون الطريقة عجبتكم

شكرا الكم

وبانتظار ردودكم وتعليقاتكم