عندي طريقه تخلى الشعر فاتح بدرجات لون البني الغامق والفاتح والاشقر الغامق والفاتح بعد ..
وهي سهله مررررررره ؛) ويطلع لونها متساوي ورهيب ..
ثنتين من خواتي مجربينها وطالعه على كل وحده احلى من الثانيه ..
واهم شي ان مكوناتها طبيعيه وماتاخذ وقت تحطيها بس ست ساعات وشوفي النتيجه ..
صدقوني اللي بتجربها راح تدعيلي ….
مكوناتها :
كركم (عصفر)..
نسكافيه.
علبه مثبت لون الصبغه بالاعشاب من (ولى) لونه اخضر وعطاه لونه ذهبي
وهو متوفر كثييييير في اي محل يبيع صبغات …
بسسسسس…..
وعلى حسب الون اللي تبينه تضيفين النسكافيه للون البني والكركم للون الشقر ..
واذا تبغي لون اشقر غزالي حطي 3 ملاعق كبيره كركم وملعقه كبيره ونص نسكافيه مع علبه مثبت اكيد ..وشوفيه لون خيااااااالي
..تخلينه على الشعر ست ساعات وقبل ماتغسليه بساعه جففيه بالاستشوار عشان يثبت الون ..وبعدين تغسليه بالماء والشامبو ..عموما مقادير الخلطه هذي لشعر القصير لطويل ممكن تضاعفين الكمية ..
اهم شي ان اللي تجربها تدعيلي …..
فكرتك جت في وقتها…
بصراحه افكر بتغيير لون شعري بس
خايفه من اثار الصبغه الكيماويه…
مشكووووره مره ثانيه حبيبتي..
=========================================
روينه ….لالالالا ابدا لانه مخصص لصبغات الشعر تخلطينه مع الصبغه الكيماويه عشان يثبتها بس انتي الحين راح تخلطيها مع خلطه طبيعيه 100% …
وانا اضمن لك ماراح تضرك ان شالله …
========================================
*فروحه* الله يعطيك العافيه ..وانا ماحطيتها الا عشان الحبايب اللي مثلك ..
لكن عندي سؤال ..
مثبت لون الصبغه بالاعشاب من (ويللا) لونه اخضر وغطاه لونه ذهبي ،هو اللي يجي دايما مع الصبغات ويخلط معها ؟
طيب وضعه على الشعر لمدة ست ساعات مايضر الشعر؟
بعد خلط المقادير مباشرة توضع على الشعر؟
طيب الشعر اللي توه مصبوغ ,ممكن نحط عليه هذي الصبغة بعد ..ولا ..لا؟
ادري طولت عليك ,بس عجبتني الطريقة ,وحبيت أتاكد..
=========================================
شماليه غربيه ..يعافيك حيااااتي..
ايييييييييوه هو اللي يجي مع الصبغات اللي على شكل عصره لونها احمر عنابي (صبغات ويللا)
استخدميه مع هذي الخلطه من دون العصره ..
عادي حطيه ست ساعات صدقيني ماراح يضر الشعر لانه مجرب ..
تخلطينه وعلى طول تحطينه على الشعر بس لازم تتأكدين ان الخليط صار متجانس تمام..
وعن الشعر المصبوغ بصراحه ما ادري بس اختي تطحها دايم اذا نزلت صبغتها ..على جذور الشعربس ..وشعرها مشاء الله حلو ..
على العكس اسعدتني اسألتك حياتي ..وان شالله كانت اجوبتي واضحه واذا صار شي غامض عليك لا تترددي تسأليني ..
تشجعنا الوصفات الطبيعيه
وجزاك الله كل خير