ممكن احد تتبرع و تعلمني الملوخية المصرية
thank you veryyyyyyyyyy much
اولا بتجيبى كمية الملوخية اللى انت محتجاها على حسب افراد اسرتك
و تقطفيها من عروقها و تغسليها كويس اوى و تحطيها فى مصفى لغاية ما تصفى المية اللى فيها
تخرطى الملوخية كويس اوى
و تجيبى ثوم و كسبرة ناشفة كل ما كانوا كتير بعقل كل ما الملوخية تتطلع حلوة
المهم هتجيبى الملوخية و تحطى عليها شوربة لحمة مغلية لغاية ما تحصلى على قوام الملوخية اللى انت عايزاة لو عايزاها خفيفة بتكترى الشوربة و العكس و طبعا الاعتدال حلو فى كل حاجة
بعد كدة تفرمى الثوم مع الكسبرة الناشفة و تحمرية فى زيت او سمنة لغاية ما لونهم يحمر كويس و تروحى حاطاة بسرعة على الملوخية و تقلبى كويس و تقفلى الغطا على طول عشان الطعم يبقى جوة
و ما تنسيش تشهقى جامد اوى و انت بتعمليها دية اصول الملوخية المصرية ههههه
و بعد كدة تحطى الملوخية يا دوب بس تقلب على النار و اوعى تخليها تغلى لانها لو غليت هتفرط منك و الملوخية تبقى لوحدها و الشوربة لوحدها
يا رب تكونى فهمتى حاجة و اى سؤال انا تحت امرك
شعار₪موضوع متميز₪ فرخه محمره محشيه فريك ورز بالبصل والكبده وملوخيه بالصور
وعلشان تحتفظ بلونها وما تسودش متقفليش غطا الحله بعد متخلصى الملوخيه حطى الغطا بس تكون الحله مش مقفوله وبعد كده عادى ممكن لما تحبى تسخنى خليها متغطيه ولو باتت فى التلاجه غطيها عادى المهم لما تيجى تسخنى الملوخيه بلاش تغليها يعنى اول متحسى انها حتفور اقفلى عليها
وبالهنا والشفا