لقيت انكم حبيتوا عزايمي
فحبيت اشارك معاكم عزيمة تانية عملتها …. بس هالمرة في اختلاف
هالمرة الثواب ان شاء الله اكبر
رح تسألوني كيف …؟؟
طيب في الاولى عزمنا الاهل والاقارب
فهي صلة رحم …وافطار صائم …و تعاطف مع الاهل
ويارب يكون ثوابها وثواب تعبها في صحيفتنا يارب
والعزيمة التانية مختلفة لانها لمجموعة من الشباب العزاب … الي اغلب اكلهم في المطاعم
متغربين وبعيد عن اهلهم وامهاتهم ومشتاقين لاكل البيت ولمة العيلة
هدول الشباب اصدقاء لزوجي
حبينا نكرمهم ونعزمهم لتناول الافطار …
المهم وبعد والتداول كان في اكتر من اختيار للاطباق الرئيسية والمقبلات والشوربة
وبلا طول سيرة عليكم
المنيو كان
شوربة الفطر
فتوش ……… لانو كمان الشباب كلهم من سوريا … والكل بيحب الفتوش على سفرة افطار رمضان
برك بالجبنة مقلية
ططر برك…
وكمان يالنجي ..مشهورة انا باليالنجي الفظيع تبعي هههه ولازم كل عزيمة يكون فيها لف ورق عنب
فريكة مع الدجاج
كباب هندي
بطاطا محشية مع الرز بالشعيرية
واخر شي كان الحلو كب كيك بالتمر ورح احط وصفته بركن الحلويات ان شاء الله …وكاسة الشاي الي ما بتتفوت من حلاوتها بعد الافطار
وهي صور اكلاتي 
اول شي الشوربة شوربة الفطر
ومقاديرها
نقلب بصلة صغيرة بنقطة زيت وعليها حص توم ناعم وبعدين علبة فطر طازج مقطع ونقلب
ثم نضع حوالي 4 ملاعق طحين ونحمصهم سوا ثم ليتر من الحليب ونقلب حتى يتكاثف المزيج
ثم نضعه بالخلاط الابريق ونضرب
ثم نعيده الى الطنجرة ونضع معه قطع من الفطر
ونتركها على النار الهادئة حتى تتكثف وتصبح بالسماكة المطلوبة وننكهها برشة الملح ورشة جوزة طيب
ونزينها بعرق بقدونس
والان صورة الفتوش
وهون صورة لعمل برك الجبنة المقلية
مقادير العجينة
كوب من الطحين وانا عملتها بالطحين الاسمر
وعليه رشة ملح وملعقتين كبار زيت
وماء حسب الحاجة
ونعجن
ثم نرق ونحشي بالحشوة المطلوبة
ونقليها بالزيت
واما الططر برك
فاستعملت نفس العجينة
وحشيتها بحشوة
مؤلفة من لحمة وبصلة مقلية مع بعض
وعملتها قطع صغيرة
وبعدين نسلق الحبات نفس طريقة سلق المعكرونة
ثم نضعها في طبق التقديم ونسكب عليها لبن زبادي مذوب فيه القليل من الملح والتوم المهروس
واخر لمسة هي البقدونس والصنوبر المقلي
وهون الطبقين على السفرة ….البرك … والططر برك
وهنا طبق البطاطا المحشية
وهي بطاطا نحفرها باداة حفر الكوسا
ونقليها بالزيت
ثم نحشيها بحشوة مؤلفة من بصلية مقلية ومعها لحمة مفرومة
ونضع الحبات في صلصة بندورة ونسبكها بالفرن
ويقدم معها الرز المفلفل
وهون طبق الكباب هندي وبجانبه اليالنجي
والطبقين مقاديرهون وطريقتهون موجودين بالمنتدى سبق وكتبتهون سابقا 
وهنا طبق الفريكة
وطريقته
نضع الفريكة المنظفة على النار بدون اي اضافات
ونحركها حتى تتحمص وتكتسب الرائحة المميزة
ثم نضع القليل من السمنة
ونحرك ثم الماء الازم او المرق ومعه بضع ورقات غار وحبات هيل وملح
ونتركها حتى تنشف وتتناثر حباتها وتنضج
وتقدم مع الدجاج او اللحم
وعليها المكسرات للزينة
هون صورة للسفرة بس لسا ما نزل عليها كل الاكلات بس كنت منسقة الصحون والملاعق والشوك
يعني صورة ابتدائية
وللاسف ما قدرت اطلع على الصالون لما اكتملت السفرة كنت جالسة مع الاولاد بالحرملك …هههههه فما قدرت اصورها 
وهي صورة للحلو والشاي عملته وخليته على جنب بالمطبخ … حتى ياخدوه الشباب بعد الاكل
ان شاء الله يكونوا اكلاتي عجبوكون
ويارب يكون شغلها وتعبها في صحيفة اعمالنا يارب
وكل عزيمة وانتو بخير
تحياتي الحارة لكل وحدة بتفتح صفحتي
بارك الله لكم برمضان يارب
كل اكلة اطيب من التانية
يسلموا ايديكي حبيبتي
وجزاك الله خيرا كسبتوا اجر بافطار هالشباب العزابية
كتبت بواسطة *عاشقة الاقصى* 
كل اكلة اطيب من التانية
يسلموا ايديكي حبيبتي
وجزاك الله خيرا كسبتوا اجر بافطار هالشباب العزابية
كتبت بواسطة شافعية الله يسلكمون يارب
شكرا لزيارتكون
تسلم الايادي
بس حبيت اسالك على الفريكة بتغسيلها لولا
انا سمعت انه لوغسلتيها بتروح رائحة الدخنة اللي فيها
ومابضل فيها طعمة
كتبت بواسطة مشتاقة لامي تسلم الايادي
بس حبيت اسالك على الفريكة بتغسيلها لولا
انا سمعت انه لوغسلتيها بتروح رائحة الدخنة اللي فيها
ومابضل فيها طعمة
كتبت بواسطة ليبيا قلبى اهلا بكم اخواتي الغاليات
اي حبيبتي بغسلها وبنظفها منيح قبل ما احطها على النار
وريحتها بتكون ما شاء الله حلوة
انا بشتريها بغلفة بس ما بقدر احطها للاكل بدون غسيل
لو عندكون اي طريقة تانية افضل دلونا عليها ونحنا بتعلم من بعض
والف شكر لمروركم
واهلا وسهلا بكم
تسلم ايدك ويخلف عليكم
سفره دائماعامره ان شا ءالله
كتبت بواسطة أم مــــالــــك تسلم ايدك ويخلف عليكم
سفره دائماعامره ان شا ءالله
الله يسلمك حبيبتي ام مالك
الله يبارك فيكي يارب
دايما عامر يارب
وربنا يجعله فى ميزان حسناتك
تسلم الايادى الجميله