قراقيش جميلة وبعجينة القشطة كانت بتعملها لنا جدتى الله يرحمها يارب وطرية من جوة ومقرمشة وجميلة من برة وان شاء الله تعجبكم اتفضلوا
المقادير
كيلو دقيق
كوب سمن بلدى مقدوح
كوب الا ربع قشطة اللبن البلدية الطازجة
4 معالق زيت زرة او دوار الشمس
سمسم – زرة ملح -عجوة (بلح تمر مفروم ناعم)
معلقة كبيرة خميرة فورية
كوب لبن حليب للعجن
الطريقة
يقدح السمن جيدا -نضع الدقيق مع الملح فى اناء واسع ونضع فى الوسط السمن المقدوح مع السمسم ونقلب بمعلقة ثم نبس باليد الى ان تتشرب – ثم اضيف فى هذه المرحلة القشطة والزيت ونكمل العجن جيدا (يفضل العجن باليد وليس العجان لضمان الحصول على عجينة لها خصائص الفلاحى الاصلى)
فى هذه الاثناء نكون واضغين الخميرة مع ربع كوب لبن دافئ وشوية سكر ورشة دقيق وملح ونغطى الكوب 10 دقائق ثم نضعها على العجين وتستمر فى العجن جيدا نرتاح شوية ونكمل عجن ولو احتاجت لبن ضعى بسيط الى ان تتماسك ولا تلتصق باليد
ويصبح شكلها مثل الصورة التالية
وكورى العجوة ايضا بالزيت وجهزيها للحشو
اتركى العجينة تختمر ساعة ونصف
ثم تشكل كور وتحشى بالعجوة وتترك فى الصينية مرة اخرى تختمر للمرة الثانية لمدة ساعة او اكثر
تخبز فى فرن متوسط الحرارة حتى يحمر الوجة وتستوى من الداخل وتصبح هشة وخفيفة كما يلى
ومن الداخل ايضا جميلة جدا
على فكرة القشطة البلدى بتعطى نكهه مميزة جدا للقرص ورائحة طيبة كتير مع السمن البلدى
جربوها وادعووووووولى
يسلموا ايديكي عزيزتي
انا اعرف القراقيش العاديه اللى انا كنت منزلاها فى المسابقه
بس برافو عليكى عرفتينى طريقه حلوه
وجميله فكره القشطه
يسلمووووووووووووووووووووووووووو يا قمر
انا بموت فى القرص بالعجوووووه
واكيد من ايدك تجنننننن
كتبت بواسطة *عاشقة الاقصى* 
يسلموا ايديكي عزيزتي
انت الاروع يا قمر – والله يسلمك يارب نورتينى يا قمر
كتبت بواسطة noorelhoda انا اعرف القراقيش العاديه اللى انا كنت منزلاها فى المسابقه
بس برافو عليكى عرفتينى طريقه حلوه
وجميله فكره القشطه
يسلمووووووووووووووووووووووووووو يا قمر
اهلا حبيبتى نور- شوفى يا قمر احنا عندنا هنا فى اسكندرية لو قلتى لحد قرص وانت بتشترى من اى فرن مش هيعرف ويضحك هيا اسمها ف الافران عندنا قراقيش بالعجوة ومنها بقة اشكال مدور زى دة ومنها صوابع ومنها محشية ملبن يعنى شكلها يفرق بس كلها تحت مسمى ( قراقيش)
نورتينى يا عسل
كتبت بواسطة شخبط شخبيط انا بموت فى القرص بالعجوووووه
واكيد من ايدك تجنننننن
شكرا يا شخبوطة يا عسل
اتفضليها يا قمر نوتينى يا عسل
كتبت بواسطة reham10 الله يسلمك ريهام اهلا بيكى يا قمر