هاذي القصيده كتبها واحد في بنات المغرب وذم فيها بنات السعوديه…..
ياللي تنشّد عن علوم الـذي طـاف
كل البحـور وكـل دولـة وديـرة
خذ من علومي علم أوصافه أوصاف
جزلٍ سمين يشتعـل لـه سعيـره
الزيـن عقـب المغربيـات ينعـاف
غيدٍ لهن بالزيـن ذكـره وسيـره
فيهن حلا طاغي وليـن وتعطـاف
وفيهن حنانٍ يشعـل القلـب غيـره
حلوات وصف وفاهماتٍ بالاعـراف
زينات منطـق صافيـات السريـرة
بنات قومٍ طيبهـم غصـب ينشـاف
اولاد مغـرب بالليالـي العسـيـرة
ياللي تنشّد عن علومي بالانصـاف
هرجي يكفي صاملـه عـن كثيـره
الزين في لميـا وتغريـد والطـاف
ماهوب في حصة وكشـرة منيـرة
وكان هذا الرد من الامير الشاعر طلال الرشيد ؟ الله يرحمه
قال الذي في بدع الأمثال صـرّاف
جزلٍ يفرق بيـن درهـم وليـره
ياللي مدحت المغربيـات بجحـاف
الله يجيرك مـن عمـاة البصيـرة
لو تعجبك لميا وتغريـد والطـاف
مايصلحن لهل الوجيـه السفيـره
مفصخات ولبسهم حـول الارداف
وبليس أغواهم بكشـف الستيـرة
متعوداتٍ كلهـم زيـف وخفـاف
على التغنـج والتعطـف وغيـره
كل يوم مع صاحب ولافيهم أعفاف
خويّهـم اللـي فلوسـه كثـيـره
ترى البضايع عدة أشكال واصناف
وكلٍ ينوخ وسـط سوقـه بعيـره
عز الله ان الطيب في بنت الاشراف
اللي على الحشمه تربّت صغيـره
ولا تبيّن منّهـا كـود الاطـراف
مثل القماشه فالبحـور الغزيـرة
ياللي تدوّر بالجواهر والاصـداف
الزين كله فـي بنـات الجزيـرة
اللــــــــــــــــــه يرحمه يارب…
للامانة منقووووول