أنا عضوة جديدة معاكم وهادي أول مشاركة لي
من كم يوم كنت مشتهية كبسة معتبرة وطلعت معايا هادي شيء ثاااااااااني!!!!
طبعا أنا كل ما أسوي أكلة غريبة وتعجب عائلتي لازم أسميها على واحد فيهم
بس ماني قايلة هادي ايش اسمها الين تقولولي انكم سويتوها وعجبتكم هاهاهاان شاء الله تعجبكم بس!!
أخذت الطريقة من واحدة فاتحة مطبخ في بيتها في جدة تسوي أكل لعزايم كبيرة وأكلها قااااااااااتل رهييييييييب!! ذقت الكبسة هادي عند ناس (وكنت سأفقد الوعي) من حلاوتها!!! صراحة أنا أول شيء استغربت! كبسة بتمر؟؟ هادي حلى ولا مالح؟ اسم ولا فعل؟ بس لما ذقتها معدتي بكيت من الفرحة! المهم أخذت الطريقة على السرييييع بالتلفون من الحرمة نفسها اللي تطبخ … أنا زدت أشياء من عندي بس طلعت موووووووووووووووت!!!
ما راح أكتب مقادير لأن كل عائلة حسب عددها وبعدين أنا عمري ما طبخت بمقادير كله بالنظر فاعذرووووووووني
زيت وزبدة
بصل شرائح
ثوم شرائح
لحم مكعبات صغيرة (المفروض نفس مقاس حقت المشوي بس أنا سويتها نفس مقاس التمرة عشان شكلها يطلع مرتب)
طماطم مكعبات صغيرة
كزبرة
تمر خلاص منزوع النواة <== أول مرة أقول منزوع بس مضطرة هاهاها
تين مجفف منقوع في شويييييييية ماء زهر مع ماء مغلي اليييييييييييييين يلييييييين
فواكه مجففة مخلوطة بس تكون كلها berries<== هادي اضافة من عندي صراحة بس كان عندي كيس وقلت اجرب وطلعت حللللللللوة (أنا ألاقي أكياس جاهزة في سوبر ماركت Tesco في لندن فيها raisons, cranberries, strawberries, blueberries, blackberries, rasberries) حسب ما تلاقيه وحسب الذوق
مكسرات مخلوطة (لوز, صنوبر, بندق, فستق, كاجو) كمان حسب الذوق
(راعي تكون كميات ومقاسات المكسرات والفواكه المجففة والتمر والتين متناسبة مع بعض ومتناسبة مع الرز عشان ما يطغى طعم واحد فيهم على الثاني وما يكثروا على الرز)
ملح + فلفل أسود + كزبرة ناشفة + نعناع مجفف + قرفة …. بس!!! ما حطيت أي بهارات ثانية!
هاهاها نسيت أهم شيء!!!! الرز!!!!!!
أول شيء اقلي المكسرات وحطيها على جنب
اقلي الفواكه المجففة كمان بس انتبهي لأنها تنحرق بسرعة وتقلب سوداء وطعمها يصير مرررررر فخليها بس شوييييية على النار مع التقليب المستمررررر وحطيها على جنب
حطي زيت وزبدة في قدر على النار
ضيفي البصل وقلبيه الين يذبل بعدين حطي الثوم وقلبيه كمان اليييييييييييين يصير لونهم ذهبي شوية
تضيفي اللحم والبهارات وتقلبيييييييييه الين يستوي اللحم كويس .. لا تضيفي ماء الا اذا احتجتي مرررررة
ضيفي الملح
حطي الطماطم وقلبي تقليبتين
حطي الكزبرة وقلبي تقليبتين
حطي (المكسرات المقلية + الفواكه المجففة المقلية) فوق اللحم وقلبيه
حطي الرز فوقهم وقلبيه الين يتجانس (بشويش عشان ما يتكسر الرز)
حطي فوقهم مرقة لحم (أو ماء مغلي معاه مكعب ماجي كله واحد) مخلوط معاها الماء اللي نقعتي فيه التين وقلبي
حطي التمر والتين وقلبي شوية وغطيه على نار هااااادية الييييييين يستوي الرز
وقت الأكل شيلي كم حبة من التين والتمر للزينة … اقلبي الرز في الصحن ورتبي التمر والتين من فوقه
الحرمة كانت مزينته بكزبرة بس!
شكله رهيييييييب وطعمه أرهببببببببببب
ان شاء الله أذا سويته مرة ثانية أصوره وأحطه لكم هنا
وادعوليييييييي في ظهر الغيب
محبتكم سنفورة لندن
بس كيف حلو ومالح سوى؟؟؟
المغاربة بحطو زبيب ومشمش كمان مع اللحمة
يعطيك العافية اختي سنفوره
الله يا سنفورة لندن
انا جربت الاكلة بس مع تمر و زبيب فقط
و جوزي جن عليها حتى اكل بأيدو
قال هيك اكل حرا يتاكل بالمعلقة
لازم بالايدين
شكرااااااااااا و كتريانا من وصفاتك الحلوة
كذا وجودي صار له معنى صحتيييييييييييين وعافية