السلام عليكم ورحمة الله وبركاته
عملت امبارح كسكسى بالسلق
أكلة جزائرية صحية جدا ومحبوبة ولذيذة وحبيت أشارك بيها في هالركن لمحبات الكسكسى
قطع لحم ( أي لحم تحبي
بصلتين كبار مقطعين وسط
ربطة سلق
خضار متنوعة ( جزر . بطاطس . كوسا . بزليا . فول أخضر
فول يابس وعدس
ملعقة أكل مركز طماطم
ملح وبهار
كسكس رقيق
نغسل السلق وننقيه جيدا
نقطعه
نغسل مقدار نصف كوب عدس ومتله فول ناشف
نحط ملعقتين زيت ذرة و قطع اللحم في طنجرة الضغط على نار هادية
ولو ما عندك ممكن طنجرة عادية
ونحط بصلة كبيرة مقطعة
نضيف السلق والفول والعدس والبصلة التانية
ونحط الملح والبهار
ونحرك 5 دقايق على نار هادية
ونمرق بلتر ماء ونغلق الطنجرة ونقوي النار لغاية ما تبتدي الغليان نوطي النار
في هذه الأثناء نجهز الخضار
( جزر وكوسا وبطاطس وبزلياء وفول أخضر انا ما حطتش الفول ما كانش عندي
ونجهز الكسكسى
نرشه بالماء
أنا استخدم كسكس مفتول باليد
لو هتستعملي الجاهز
رشيه بماء فيه ملعقة زيت حتى لا يلتصق ويتعجن
نجهز طنجرة البخار على نار قوية وبس تبتدي المية تغلي نحط الكسكسى
بعد ما يفور الكسكسى نقلبه في إناء واسع
ونرشه بالماء شوي شوي
ولو استعملتي الجاهز
كمان هيبقى ماء مخلوط بقليل من الزيت
بعد ما يتشرب المية ترجعيه تاني على البخار
ولما يفور تقلبيه مرة تانية وتسبيه يبرد شوية
وقبل التقديم تدهنيه بملعقة زيت زيتون
لما تحاسبي إن اللحم استوى
تفتحي الطنجرة وتحطي الخضار
شوية صغيرين وتفتحيها تانى تظبطي الملح وتحطي مركز الطماطم أو صلصة الطماطم كل واحد زي ما يسميها وتسيبيها تغلي كام غلوة كده وتتسبك
المرق صار جاهز
تحطي الكسكسى في طبق التقديم وتحطي عليه المرق والخضار
وممكن تحطيهم كده وكل واحد يحط في طبقه زي ما يحب
و يارب يعجبكم
لطش سريع جدا (:
تسلم الأيادي يا كراميلا يا سكرة
ما شاء الله شكله بيشهي وفي منتهى الروعة
الحمد لله لحقت على الطبق قبل ما حد يلطشه (:
تسلم الايادى الحلوة
شكل الطبق بيجننن
ما شاء الله
كده برضه يا بيبى
يعنى ابقى انا اول واحدة شفت الموضوع
و بسبب النت
تيجى تلطشيه
ماشى يا قمر الف هنا
وصحتين وهنا على قلوبكم
يسلمو يديك الحلوة
تسلم الايادي
كتبت بواسطة بيبي مورو 
لطش سريع جدا (:
أسرع من هيك ما في 
كتبت بواسطة بيبي مورو تسلم الأيادي يا كراميلا يا سكرة
ما شاء الله شكله بيشهي وفي منتهى الروعة
الحمد لله لحقت على الطبق قبل ما حد يلطشه (:
والله انتى اللي سكرة
ميرسى يا قمر
لا يا شيري ميخلصنيش
تعالي مدي إيدك ولقمة هنية تكفي ميه