امبارح حبيت اغير فى الفراخ شوية وبما ان ابنى بيحب الكفتة جدا قلت خلاص اخلى الفراخ من العظم وافرمها واقليها وقد كان ادخل فى المقادير على طووووووول
2 بصلة كبيرة
فرخة مخلية من العظم او نص كيلو صدور فراخ
ملح وفلفل اسود وبهارات ومعلقة صغيرة زنجبيل باودر ونص معلقة صغيرة هيل
واحد فص ثوم كبير او 2 صغير
انا فرمت كل دا بس بدون الملح والفلفل والبهارات ضيفتهم بعد الفرم ودا الشكل بعد الفرم ووضع كل البهارات والملح
بعد الخطوة دى عليكى بانك تشكليها حسب رغبتك ان عملتها تشبة البرجر مدورة ومنها بيضاوى بالشكل دا
وبعد التشكيل تترك فى التلاجة نصف ساعة وبعد خروجها نضعها بالبيض والبقسماط
وممكن اللى بيعملو دايت يشوها بدون اى اضافات فى صينية تيفال طعمها بيكون هايل انا جربت واحدة مشوية
بعد كدة ممكن وضعها فى التلاجة عشر دقايق او قليها مباشرة مع الحرص لانها طرية جدا ودا شكلها النهائى
وبالهنا والشفا
بجد شكلها جميل
تسلم ايدك
وحشتينى فينك