كيكة الباونتي السريعة مناسبة لشهر رمضان من مطبخ لبنان و() . 2024.

السلام عليكم أخواتي…

لشهر رمضان أفضل شي الاكلات والحلويات السريعة…ما بدنا نقضي اليوم بالمطبخ بس لازم ناكل شو الحل؟؟
نعمل نفس الأكلة بس بطريقة أسرع

اليوم جربت الكيكة هذه بالخلطة الجاهزة وطلعت…مممم…فرجة!!!

كيكة الباونتي

المقادير

علبة كيكة براونيز الجاهزة (أو أي وصفة كيكة شوكولا عندك..بس الأسرع هي الجاهزة)

طبقة جوز الهند

2 كوب جوز الهند المبشور الناشف
ثلاثة ارباع كوب سكر
5 م ك سميد
2 م ك زبدة
2 وربع كوب حليب
م ك حليب بودرة
2 م ك حليب مركز محلى

التغليفة

لوح شوكولا أسود خام غير محلى
2 ونصف م ك زبدة
الطريقة

نعمل كيكة البراونيز حسب التعليمات المرفقة وعادة هذه الكيكة سريعة
نخلط كل مقادير طبقة جوز الهند ونحطهم على النار حتى يبدو يغلوا ويسمكوا
بعد ما تبرد كيكة الشوكولا نصب فوقها خلطة جوز الهند الفاترة (مو ساخنة كتير ولا باردة) ونملس الوجه بالملعقة ونتركهم يبردوا على الآخر ثم نضعهم بالثلاجة (البراد)

الشوكولا والزبدة حطيهم بالمايكرويف وبعدين اخلطيهم منيح وطلعي الكيكة يلي بردت من الثلاجة وندهنها بالشوكولا بهذا الشكل

رجعي الكيكة على الثلاجة ولما تجمد الشوكولا طلعيه وزينيه بجوز الهند الجاف وقدميه..

صدقوني هي سريعة بس أنا شارحتلكم بالتفصيل الممل

وهذه هي النتيجة

وبالهنا والعافية عليكم…