السلام عليكم ورحمة الله وبركاته
كيف حالكم ياحلوين
طبعا حتماً ولابد من مقدمه الطيفيه 
اليوم الصبح سويت كيكة الزعفران والهيل
اممممممممم شو طلعت رائعه وطيبه
الوصفه والطريقه من منال العلمي…..
والصوره كمان 
من منال العلمي
لانه شكلها كيكتها جدا رائع……
انا حضرت كيكتي
ورحت نمت لاني واصلة من مبارح
صحيت لقيتها مقصوصه
صحتين على قلوبهم
وصحتين على قلوبكم جدا طيبه ورائعه المذاق مع قهوه وسهل كتير
لنشوف
…..كيكة الهيل والزعفران….
المقادير :-
4/3 كوب سكر
3 بيض حجم كبير
4/1 1 كوب طحين مطاحن الدقيق
3/1 كوب زيت
2/1 كوب حليب
4/1 كوب سمسم محمص
1 معلقه ب.بودر
1 معلقه هيل محمص ومطحون ومنخول جيدا
4/1 معلقه زعفران مطحون
3 ملاعق ماء الورد
صوص الزعفران:-
4/1 ملعقه زعفران
2 ملعقه ماء الورد
سكر ناعم بودر
الطريقه:-
– ادهني قابل مخصوص للكيك وحسب الشكل يل بدك ياه هون اخترنا قالب مفتوح من الوسط…. ادهنيه بالزبده وانثري عليه السمسم المحمص …. وخليه على جنب استعداداً للتنفيذ….
– انخلي الطحين والباكنج بورد والزعفران وخليهم على جنب ….
– انقعي ماء الورد والزعفران في صحن صغير وخليهم برضو علي جنب…..حتى ياخد لون الزعفران الاصفر….
– تحضير الكيك وخفقه الان بلشي بالخفق …..اخفقي البيض مع السكر على سرعه عاااااليه كتير بالخفاق الكهربائي لحد مايتضاعف الكميه ويصير لونها فاتح متل الكريمه…. بعد ماينخفق جيدا ولازم سرعه الخفق
بلشي بتقيل السرعه تدرجياً و ضيفي للخليط الحليب والزيت شوي شوي تدريجاً…………….. قلبي الخليط جيداااا ثم اضيفي له منقوع الزعفران وماء الورد.
– تدرجيا وشوي شوي اضيفي خليط الطحين والهيل والباكنج بودر شوي شوي….. واحركيهم بالمعلقه الكبيره لحد مايختلطو جيداً ثم اضيفيهم لقالب الكيك …..
– اخبزيه بالفرن على درجه حراره معتدله… وفي وسط الفرن لاتحت ولا فوق بعيد خليه تقريبا نصف ساعه ثم اغرسي عود خشب للتاكد من السواء…. لو استوت اقفلي النار عليها وخلي الكيكه في الفرن بحراره الفرن..لاتلطيعيها الا لما تبرد وتتقديم…
لتحضير الصوص :-
– ضعي ماء الورد مع الزعفران…ثم اضيفي السكر الناعم تدرجياً وعلى نار خفيفه يدوب يشم النار بسسسسسس…بعدين حركي بسرعه لحد مايدوب ويتتجانس الخليط….
وزيني فيه قالب الكيك بعد ماتفرغيه في طبق التقديم…………….. وحضري القهوه العربيه….
شفتو شو سهله يارب تعجبكم
والف صحه وهنا
انا اول وحدة بنور الموضوع (يا لطيف شو مغرورة
شفتي الثقة بالنفس
نسيت لشو انا داخلة
شكل هل الكيكة بشهي ولك يا طيوف
رافخة معك منيح اسم الله
وباين عنها بتشهي
تسلم ايديك يارب
ولا يحرمنا منك
شو صار معك متى حجزتي ؟؟
طيوف شو شم احنا عندنا شمامين الله يستر عليك لا شم ولا شمامين ههههههههههههههه
تسلمي الطريقه روعه زيك يا حبيبت قلبي حفظتها لحين الاستعمال 
شكلها طيب كتييييييييييير
سنوايت حبيبتي
لا والله مش مغروره
صدقتي اول وحده تنور الموضوع الله يسعدك وينور حياتك يارب
ولك شو مفكره قليله عندي انتي
ربي شاهد على معزتك ياقلبي
……… ولك سنوايت صحتين وهنا يارب
نافخه وبجننننننننننننننننننن طعمها
بس ديري بالك الصوره مش الي تعت منال
صحتين وعافيه يارب
لنلون حبيبتي وعل قلبك يارب
هيني بحكي معكم وباكل منها
يمييييييييييييي رائعه تفضلي
على الحجز لسه ماصار شي
اصلا الاجازه مش موافقين عليها
بالوقت الحالي قال استني
ياربي لو تعرف اختي رح تؤبرني الله يستر
الله يسعدك موتيني ضحك
يختي سيبي الشعب يشمممممممم علشان ينسي وييعيييييييش
خليهم يشمووووووو اممممممممممممممممممممممم ياعيني على الهيل ياعيني
احنا بنقول عنها تشم النار… شم يعني يدوب
مبعرف شو الكلمه المردافه لللشم
صحتين وعافيه يارب ضروريي تجربيها وباقرب وقت لانه بتستاهل بئكِ الجميل ياحلوه
هلاوغلا عروبه
عاش مين شافك حبيبتي شوهالغيبه؟
صحتين وعافيه ضروري تجربيها قد ماهي طيبه وبتتساهل بئكِ