ازيكم اخواتى و حبايبى
يا رب تكونوا كلكم بخير و فى احسن صحة
دى مشاركتى فى ملف الحمضيات (برتقال و الليمون)
دى كيك البرتقال بصوص الشيكولاته الجميل و على وجه الصوص سودانى مجروش
امتزاج طعم البرتقال بالشيكولاته و السوادانى
ثلاثى من اخطر ما يكون ( يعنى خلى بالك على صوابعك )هههههه
نبتدى المقادير بسم الله
1كوب سكر( و كوب و ربع لو بتحبيها حلوة زيادة)
نص كوب زيت
3 بيضة
فانيليا
م ك بكنج بودر
بشر برتقالة
كوب الا ربع عصير برتقال
الطريقة
** هنضرب البيض مع الفانيليا و بشر البرتقال فى الخلاط و بعدين هنضيف الزيت
و السكر و نضرب تانى و بعدين هنضيف العصير مع البودر
@ايوا انا بحط البودر مع السوائل و بيدينى نتيجة حلوة
و بعدين هنضيف السائل اللى فى الخلاط للدقيق و نقلب من فوق لتحت عشان التجانس للدقيق مع السائل
** هتدهنى صنية زيت او سمن و ترشيها بالدقيق و تصبى الكيك فى الصنيه و تدخليها الفرن اللى طبعا
لازم نكون مشغلينه من بداية عملنا فى الكيك
و بعدين لما تستوى و تخرج و نسيبها تبرد نضع عليها صوص
الشيكولاته و مكوناته كالتالى
@ 2 معلقة سمن
@2 معلقة دقيق
@ 2 معلقة كاكاو خام
@ 5 معالق سكر
@ كوب الا ربع لبن او مزيج من الماء و اللبن
هنسيح السمن الاول و بعدين نحط الدقيق على السمن و نقلب كويس لحد ما يمتزجوا
و بعدا كدا هنط الكاكو و اللبن و السكر و نقلب باستمرار لحد ما تمتزج المكونات كلها مع بعض
بعد كدا هنسيبه بيرد و نحطه على وش الكيك زى كدا و بعدين نرش على الوجه سودانى مجروش
يا رب موضوعى البسيط يعجبكم
فى رعاية الله اخواتى 
احبكم فى الله
تسلم الأيادي يا قمراية يا سكرة
أكيد ثلاثي البرتقال والشيكولاتة والسوداني بيطير العقل
تسلمي يا أم يحيى (:
انا اول رد يعني راح اخد حصتي قبل البنات مايجوا ههههههه صحة وهناء على قلوبكم غاليتي وبانتضار المزيد من ابداعاتك
يعطيك العافية
ما شاء الله بتشهى طيب احكى احجزيلى حته هههههههههه
صحه وهنا على قلبكم
تسلم الايادى الحلوة حبيبتى
والصلاة والسلام على أشرف المرسلين
بارك الله فيكي أختي على الكيفية الجميلة