لأخواتي السوريات ما هي الكشكة ؟ 2024.

كتبت بواسطة سكربني

السلام عليكم

أتمنى اعرف ما هي الكشكة وكيف تتسوى
الكشكة مابعرف شو هو ممكن يكون الكشك هو عبارة عن لبن وبرغل
ستي هي دائما بطبخها انا ما حبيتها بالمرة لهيك ما بطبخها
بعرف انو بتقلي اللحمة والبصل وبعدين بندورة وبعدين بتجيبي الكشك وبتحطينه وبعدين بتحطيه يغلي فوق اللحمة والبصل والبندورة

وسلطة الزيتون اللي هي عبارة عن زيتون أخضر – بندورة – فلفل أخضر
اختي انا بعرف سلطة الزيتون كيف انا بسويها
عبارة عن توم وبندورة وزيتون وزيت وحامض وملح
والمقادير انت وكيفك بس فليفلة ما بعرف انو بحطوا عليها

كيف اخلي الصوص تبعها أحمر

وفية وصفات هنا كثير فيها كعك مدقوق

هل الكعك المدقوق = البقسماط
الكعك المدقوق هو المطحون يلي بحطو على الاكل متل الهمبورغر
البقسماط ما بعرف اذا اهيدا هو سامعة بهل الاسم قبل وسالت عنو بس ما لقيت جواب
ممكن يكون هو

والله يعطيكم ألف عافية

الله يعافيكي يارب ويخليكي اختي انشا ءالله كون افدك
واي سؤال تاني انا بالخدمة
وعلى كل حال انا راح اسالك عن الكشك

أما بالنسبة للكشكة الخضراء فهيدي الأكلة التي إذا جلست لأكلها لا أرفع يدي من الصحن أبداً وهي ولا تكلف شيئاً سوى برغل ولبن رائب وبصلة يعني غير مكلفة ولكنها مفيدة جداً ومغذية

ويمكنك الاطلاع على كيفية عملها بالضغط على الرابط التالي

كشكة الخضراء ألذ وأطيب طبق شامي على الفطور أو العشاء

لاتنسي تخبريني إذا كان عجبتك وصفاتي أم لا بانتظار ردك يا اختي

ونسخت لك الصفحة إذا ما طلع الرابط مزبوط
كشكة الخضراء ألذ وأطيب طبق شامي على الفطور أو العشاء

——————————————————————————–

الكشكة الخضراء

طبق غير مكلف وسهل التحضير وفوق كل هذا طعمه ولا أطيب من هيك

هو طبق شامي تماماً طعمه ولا أروع وبالذات إن تم عمله على الفطور أو العشاء لأنه لا يعتبر عندنا كغذاء أبداً ويمكن اعتباره من المقبلات ولكننا نعمله كطبق رئيسي
هذا الطبق يؤكل بالخبز ويشرب معه الشاي ويؤكل معه الزيتون الأسود كما يؤكل معه أي نوع مرغوب به من الحشائش سواء أكان جرجير أم فجل أم بقل (الأعواد الخضراء الرفيعة الطويلة) أو حتى بصل أخضر
لن أطيل عليكم فالطبق شهي جداً وبالنسبة لي عندما أبدأ بالأكل من هذا الطبق من الصعب أن أخرج يدي منه حتى أشعر بالشبع الحقيقي لأنه لذيذ ومغذي ولا يوجد من حولي من النساء من ذاقته عندي إلا وأخذت وصفته وعملته من ضمن أطباقها الأساسية في البيت فهو غير مكلف ولكنه مغذي جداً

المقادير:
حوالي كأس برغل مغسول من القشور ومنقوع بقليل من الماء حتى يطرى
لبن زبادي حسب الحاجة (لس لبن الشرب بل اللبن السميك بالعلب الصغيرة)
بصلة متوسطة مقطعة ناعم
بقدونس مغسول ومفروم ناعم
بندورة مقطعة ناعمة
جوز مقطع ناعم
زبت زيتون

بعد طحن البرغل بطاحونة اللحمة أو حتى يمكن طحنه بطاحون المولينكس الصغيرة ولكن بعد أن نكون قد نقعناه ليصبح طرياً نقوم بتصفيته من الماء ثم طحنه بقدر ما نستطيع
نضع البرغل في وعاء عميق ثم نقطع البصلة (كمية البصل حسب الرغبة) ومع البصل نضع البقدونس المفروم ونضيف اللبن تدريجياً إلى أن يصبح لدينا خليط يمكن تقدير مزجه بمزيد من اللبن حسب الرغبة ولكن يجب مراعاة بأن هذا الطبق سيؤكل بالخبز يعني لا جامد ولا سائل

نسكب بالصحن كمية حسب عدد اللذين سيأكلون في الطبق نقوم برش البندورة الناعمة على الوجه حسب الرغبة كثيراً أو قليلاً (شخصياً أحب البندورة جداً لأن طعمها مع الكشكة لذيذ) ثم الجوز المفروم

نسكب القليل من الزيت على وجه الطبق

يؤكل مع الزيتون ويشرب معه الشاي
يمكن تناول الجرجير أو الفجل أو البقل أو البصل الأخضر (حسب ما أسلفت أعلاه في مقدمتي عن الطبق)

وبالصحة والعافية

لا تنسوني من أن تخبروني بتجربتكم الشهية مع هالطبق السهل اللذيذ

نوع من الحلويات عنا بالشام
فيه حليب و نشا و على وجهو فستق اخضر
بس ما بعرف المقادير بالزبط
انتي يلي شفتيه كان شكلو هيك و لا لاء

و التانية هي الكشك يلي قالت عنو الاخت عاشقة الحلويات

و الكعك المدقوق هو نفسه البقسماط

ام سلطة الزيتون ما بعرفا

و السلام