لعيونك ام بلال وبالتعاون مع أم زيد مسخن جنين الأصلي 2024.

المقادير التقريبية لشخصين
لكل شخص نص دجاجة..
دجاج (فروج) تقريبا بوزن كيلو ونص
– كيلو بصل.
– كوب ونص زيت الزيتون.
– سماق ناعم من نوعية جيدة
بهارات وقرفة مطحونة وفلفل أسود
الملح حسب الرغبة.
– ست قطع خبز من الطابون (شراك أو خبز الصاج).
الطريقة:

يفرم البصل مربعات صغيرة أي وسط لا ناعم ولا كبير
يوضع الزيت في طنجرة ، ويوضع فوقه مقدار راسين من البصل، ونقلب البصل حتى يصبح لونه ذهبيا.
نضيف إليه الدجاج المقطع، ثم نقلبه مع البصل، وبعد ذلك نغطي الطنجرة ونقوم بتقليب الدجاج عن طريق التنطيق (النسف) أي نفض الطنجرة كي لا يلتصق الدجاج من وقت للتاني كي لا يلتصق، بعد عشر دقائق تقريبا نضيف باقي البصل ونحركه قليلا ونتركه حتى نتأكد من نضج الدجاج وقد نحتاج لكوب من الماء المغلي ، وبعد ذلك نضع البهارات المذكورة.
نأخذ قطع الدجاج ونحمرها في الفرن قبل التقديم مباشرة
للتقديم:
الطريقة العائلية (طريقة الفلاحين)
نأخذ رغيف من الخبز ونضعه في الطنجرة كي يبتل من الزيت
ثم نضعه في صينية فرن ونرش فوقه كمية من البصل ونضعه في فرن متوسط الحرارة حتى تحمر.
نقوم بوضع البصل على كل رغيف على حدة ونحمره في الفرن
ثم نرش الوجه بالسماق والصنوبر واللوزالمقلي..
وكل رغيف بالبصل والسماق والصنوبر نضعه فوق الآخر على شكل طبقات في صينية التقديم
وهكذا حتى ننتهي
طبعا نكون قد حمرنا الدجاج تحت الشواية
بعد ان نقوم برص جميع الأرغفة في صينية التقديم نقوم بوضع الدجاج على الوجه ويرش بالسماق والصنوبر. وتؤكل باليد وحاسبوا على اصابعكم.

الطريقة الثانية : طريقة الولائم فهي طريقةحديثة
نقوم بتقطيع الرغيف إلى ست قطع (مثلثات)
اذا استخدمنا خبز الصاج (الرقاق – الشراك) نضع رغيفين فوق بعض قبل التقطيع
نقوم بوضع البصل على كل مثلث ونرش السماق والصنوبر المقلي وقطع من الدجاجالمسحب ثم نلف الرغيف على شكل رول ثم نقوم بوضعه تحتالشواية كي يتحمر قليلا..
بعد الانتهاء نقوم بوضع الرولات بشكل دائري جميل ونرصقطع من الدجاج المحمر في المنتصف
يقدم مع اللبن الزبادي..

طريقة الخبز الفلاحي
طحين مخلوط (ابيض واسمر بنسبة 2 طحين قمح اسمر الى 1 طحين ابيض)
ماء فاتر
خميرة
ملح
اعجني لينة وطرية.. ارتكيها ترتاح لمدة عشر دقائق ثم قومي بوضع القليل من الزيت بيديك وقومي بعجنها مرة ثانية (بالفلاحي تلبيها) ثم غطيها واتركيها لتختمر جيدا
و بعد ماتخمر العجين قطعيها دوائر ولتيها بالطحين (مرمغيها)
وبما انه رح نعمله في البيت ضعي الُرظَفْ بصنية طبعا الصنية تكون مليانة رظف
حمي الرظف ( حجارة / حصى ملساء متوسطةالحجم)
بعدين افرديها بالنشابة لتكون بسماكة نص سم تقريبا او سم
افتحي الفرن وحطيها على الرظف
طبعا ما رح تنفخ متل الخبز
واقلبيه على الجهة التانية
بعدين لفي بقماش وكملي الكمية
طبعا فيكي تتحكمي بحجم القرص متل ما بدك صغير وسط او كبير

تسلم ايديكي يا وعود وايدين الغاليه ام زيد على هالوصف الوافي الكافي . ما شاء الله ستات بيت معتبرين ………..

بس شو المشكله انك جوعتيني ومصارين بطني بلشت تصوصو … ولسه الدنيا الصبح وانا بموت بشي اسمه مسخن يمممممممممممممممممممم.

يعطيكي العافيه يا اطيب قلب