السلام عليكم ورحمة الله وبركاتة
كيف حالكم جميعا ؟؟
بصبح و أمسي على الكل
ندخل بالموضوع
أنا سويت الخلطة << حذكر الخلطة في نهاية الموضوع
ولي أسبوعين مسويتها
بالنسبه للون الخلطة غامق جدا ً مائل للسواد هي صحيح كذا ولا لا ؟؟
وأغلبها زيت دابر أملا
بالنسبة للريحه اللي طيرت اهلي وقرفو مني بسبب ريحتها الفتاكة اللي مانفع معها العطور أيه العمل ايه الحل ؟؟؟ 
طريقة وضعها على الشعر أكثر ولا شويه ؟؟
ومن خلال الاسبوعين لم ألاحظ نتائج للعلم الخلطه مكتوب عنها انها من 5 يوم تبان النتائج
وانا استخدمتها الخمس الايام الاولى كل يوم
والاسبوع اللي بعده يوم ايوه ويوم لا
وفي الخلطة مكتوب أنه تحسي بحرقان ،، أنا ما حسيت بالحرقان الا لمدة ثانية فقط مالحل ؟؟
هل فيه غلط في الخلطة
نصائح للي يبي يسوي الخلطة
إذا كنت متزوجه لا تفكري تسويها عشان مايهرب زوجك من ريحتك >> والله الريحه فتاكة
بالنسبة للنواة التمر
لاتطحنوه الا بعد ماينحرق على النار بعد مايصير لونه اسود
ولا يصير فيكم زي ماصار فيني كسرت الطاحونة حقت أمي وأخذت تهزيئة محترمة
اللي عنده اي فكرة عن الخلطة تفيدني وتفيد الجميع
وشوفو لي حل مع الريحة
جزاكم الله خيراا
وهذي الخلطة للي مايعرفها
الوصفة عبارة عن:
اولا:مكوناتها هي:
نواة التمر + عين الجمل( نوع من انواع المكسرات تسمى بهذا الاسم) بمقدارين متساويين
( والمقدار تقريبا : 2 كأس بلاستيك لكل منهما )
بيالة حلبة
بصلة مقطعة قطع كبيرة
2فص ثوم مقطع قطع كبيرة
بصلة مفرومة فرم ناعم نعصر مائها باليد
2فص ثوم مفروم نعصر مائه باليد
كمية كافية من الجرجير(نعصره) مقدار كأس واحد (بلاستيك) معصور
علبة كاملة كبيرة زيت جوزالهند
علبة كاملة كبيرة زيت دابر املا الاصلي (الاخضر) مش الاصفر
علبة كاملة زيت الأس(من العطار)
كمية قليلة جدا من دهن الورد(من العطار)
ثانيا:طريقة عمل الوصفة هي :
1- نأخذ (نواة التمر+ عين الجمل) ويحرق على النار ثم يطحن جيدا ثم يعجن بدهن الورد
الى ان يصبح مثل المرهم ((وتستخدم هذه الوصفة ايضا لتغزير شعر الحواجب))
2 – نطحن الحلبة
3- نخلط الزيوت (زيت جوزالهند + زيت دابر املا + زيت الاس) في علبة كبيرة
4 – نضيف ماء البصل والثوم المعصور بواسطة اليد +ماء الجرجير (المعصور)
5 – نضيف على الزيوت ( في نفس العلبة الكبيرة الي خلطنا فيها الزيوت) نضيف(نواة التمر+عين الجمل)المطحون+الحلبة المطحونة
6 – نضيف على الزيوت قطع البصل والثوم في نفس العلبة الكبيرة (( ويمكن اضافة الفلفل الاخضر الحار بعد تقطيعه ))
7 – نرج العلبة حتى تختلط الزيوت والحلبة و..و..و..مع بعض.
8-تترك ليلة كاملة قبل الاستخدام حتى يأخذ البصل والثوم مفعوله على الزيوت
ثالثا : طريقة الاستخدام هي :
1- تدلك فروة الرأس جييييييدا مع الاطراف
2- يغطى الشعر بالغلاف البلاستيك الخاص بالأطعمة ( حتى تأخذ الوصفة مفعولها جيدا)
3- يترك على الشعر مدة تترواح بين ( ساعتين الى ثمان ساعات )
اقل مدة :ساعتين لتأخذ الوصفة مفعولها
وأكثر مدة : ثمان ساعات
(انا عن نفسي اتركه بشعري ثمان ساعات والحمد الله مافي أي اثر للتساقط او اجهاد الشعر او فروة الرأس)
4- يستخدم يوميا لكن يجب اعطاء الشعر فترة راحة كافية.( يعني بعد ماتغسلينه بالشامبو تخليه بدون وضع أي كريم او زيت علشان ماتجهدين فروة شعرك لأنك راح تحطين زيت يومياًً)
(اما اذا كان شعرك يحتاج للكريم او الزيت بعد ماتغسلينه بشامبو يفضل انك تستخدمين شامبو مرطب مثل شامبو دوف 2في1 لجميع انواع الشعر،عشان مايخليه جاااف،او أي شامبو ثاني مرطب،واذا كنتي ماتقدرين تستغنين عن الكريم بعد ماتغسلينه يفضل انك ماتكثرين من الكريم بس مسحات خفيفة على الشعر،عشان مايتطاير هذا اذا كان شعرك جاف)
وعلى فكرة:ترى هذي الوصفة زيادة على انها تطول وتكثف الشعر بعد تنعمه،ومع المداومة تشوفين شعرك صار مايحتاج أي كريم،بس غسليه بشامبو ومشطيه وخليه يجف على الراحة وبتلاحظين نعومته صارت طبيعية وماتحتاجين لشي..(خصوصا اذا كنتي تغطين شعرك بالغلاف البلاستيك الخاص للأطعمة،لأن الشعر يتشبع من الزيت)
اخيرا…
راح اختصر لكم مميزات هذه الوصفة :
1- تطول الشعر
2- تزيد من كثافة الشعر
3- تنعم الشعر
4- تزيل القشرة تماما…
5- تنفع للأطفال …
يعني اللي اخذت منها الموضوع
واللي يكتبون المواضيع عن الخلطات
يكتبونها بس كذا
من غير تجربة
على العموم شكرااا
كل مره أقول مني داخله المنتدى مرة ثانيه ما أدري ايش يرجعني
بصراحه احس الاعضاء متحيزين لبعض
لالالالالالا للغرباء
وبعدين .. احنا كثيييير بنقرأ كلام في المنتديات ونصه يطلع غلط * غلط ….. بس انتي تابعي بهالوصفة ويمكن تستفيدي …. تمنياتي لك بشعر نااااااااااااعم طويييييييييييل …
تحياتي .. نهر الأحلام ..
ننتظر المجربين