كيكة بربري……….. بالصور 
السلام عليكم ورحمة الله وبركاته
جايبه لكم اليوم تجربتي بعمل كيكة بربري
واللي اخذت فكرتها من احدى الاخوات الله يجزاها خير بس ما اذكر اسمها
وسويت بحث وما لقيت الموضوع
اخليكم مع الطريقة والصور .. وتراها سههههههههههههله
طبعا الكيكة خليط كيكة بالشوكولاته من بيتي كروكر>>>>> لاني صراحه ما احب كيك البيت
اما الكريمه فهي برضو كريمه بيتي كروكر الجاهزة اللي بالفانيلا بس انا لونتها
الارضية ….
خلطت كمية كريمه بيضاء مع شوي من بودرة الكاكاو
او تقدري تخلطيها مع شوي من كريمة بيتي كروكر اللي بالشوكلاته الجاهزة
……………………
الخطوط البيضاء…
هذه الكريمة الجاهزة بدون اي اضافات
………………….
الخطوط البنية …
غالبا اسويها بكريمة بيتي كروكر اللي بالشوكلاته الجاهزة
بس ذاك اليوم ماكانت عندي فسويتها بكاكاو هيرشي السايل
حطيته في قمع بلاستيك وسويت بيه وحسيته احلى في الطعم
…………………….
الخطوط الحمرة بس صارت لي فوشية
كريمه بيضاء مع شوي لون احمر من الوان الطعام
………………….
الطريقة… احسها واضحة
1}اول شي طبقة كريمة بيج .. وبعدين دخليها الثلاجه بس تجمد شوي الكريمة عشان ما تحوسك لما ترسمي الخطوط الباقية
2} ارسمي الخطوط البيضاء وخليها عريضة… لانك راح ترسمي الخطوط البنية فوقها
دخليها الثلاجه زي قبل بس تجمد شوي
3} ارسمي الخطوط البنية فوق البيضاء
4}واخر شي الخطوط الفوشية او الحمرة
………………………… ..
طبعا الطبقة الاولى دهنتها بملعقة خاصة بدهن الكيك وممكن بالملعقة العادية
اما الخطوط فاستخدمت القمع .. بس النوع الاسطواني البلاستيك اللي له زي العود من ورى تضغطيه عشان تنزلي الكريمة
لان النوع اللي زي الكيس مخروطي.. احسه يحوس الدنيا
………………………… ..
طبعا الكيكه افضل تخليها في الثلاجه لانها اذا كانت بره لفترة طويله بتذوب الكريمه
منقووووووووووووووووووووووووووووول
تسلمي عالنقل
الله يعطيك العافيه أختي …
عاد بنتي تموت بالبربري
ان شاء الله أطبقها بس بعد الاختبارات
افكر اسويها بصينيه مربعة اذا ظبطت راح أصورها
وياغاليتي تقدري تصلحيها بصنية مستطيلة … صلحتها لزوجي في العمل في اكبر صنية تيفال مستطيلة ورجعت فاضية ……….