اول مره اتذوق بسبوسة بهذي الحلاااوه 000000
بسبوسة محشوة بالقشطة
مقادير البسبوسة :
1كوب سميد +1كوب جوز الهند +1كوب سكر+1ملعقة كبيرة بكنج بودر
2بيض (حسب الرغبة) +نصف كوب زبدة +1و علبة روب في بعض + مكسرات مطحونة(فستق ولوز0
الحشوه :
(1 علبة قيمر(قشطه)+1ونصف كوب حليب سائل يفضل المراعي +3ملعقة كبيرة نشاء ) تخلط مع بعض ثم على النار حتى تكون شبه ثقيله
الطريقة :
نحضر جميع مقادير البسبوسه ونخلطها مع بعض ثم نصب نصفه فيي صينيه مدهونه بالزبدة وبعدين نحط الحشوه ثم باقي البسبوسه و نرش عليها المكسرات المطحونة ثم في الفرن وتترك حتى تستوي وتحمر من فوق وترش بالشيره 0
وهي للأخت أنفال
منتدى لكِ > الأركان العامة > أركان التغذية والمأكولات > ركن الحلويات > بسبوسه بطبقة الكاسترد(الكستر)….بدون مبالغه..((رهيبه))
بأختصر لك وهذة هي الطريقة كما وردت بقلم الأخت أنفال
بسبوسه بطبقة الكاسترد(الكستر)….بدون مبالغه..((رهيبه))
السلام عليكم ورحمة الله…..
بصراحه انا عملت بسبوسه جناااااان ورائعه….كلمة رائعه عليها شويه…
حبيت تاخذون مقاديرها وتجربونها…وانشاء الله تحوز على رضاكم..
المقادير…
علبة قيمر نستله او التاج اوبوك…اللي متوفر..
باقي المقاديرتقيسيها بنفس علبة القيمر الفارغه…(فهمتوني او لا)
1 سميد , 1 جوزهند,1زيت, 1 سكر,2 بيضات، ملعقه كبيره بيكنج باودر…
تخلطي جميع المقادير السابقه بالخلاط…حتى تتجانس…
تحضري القالب بدهنه بقليل من الزيت…ثم تضعي نصف المقدار السابق في القالب وتدخليه الفرن
من تحت فقط حتى يتماسك ثم تخرجيه من الفرن…علشان تحطي عليه الحشوه..والتي تتكون من..
الحشوه: 1كوب حليب سائل2 علبة قيمر، 3ملاعق كاستر، 2ملعقه سكر…
توضع جميع مقادير الحشوه على النار حتى تتجانس وتثخن…
ثم توضع علىطبقة البسبوسه….انتظري 3 دقائق حتى تتماسك طبقة الكاستر علشان لما تصبي باقي البسبوسه ما تختلط…..لما تحسي ان طبقة الكاستر تماسكت صبي باقي مقدار البسبوسه اللي بقي في الخلاط…واذا كان جمد شوي اضيفي قليل جدا من الماء…
بعد ذلك ادخليها الفرن على نار هادئه من الأعلى…حتى تتحمر…
وقطعيها وقدميها بعد ان تصبح بارده ولأفضل نتيجه ادخليها الثلاجه قبل التقديم….
صدقوني طريقتها سهله ولا تستصعبيها…وراح تبهرك بطعمها الرائع…..والأحلى انك راح تفتخرين امام ضيوفك….. ( طبعا احنا يالحريم اهم شئ كلام الضيوف عن شغلنا)
المهم ردوا لي خبر اذا جربتوها…..
وتقبلوا تحياتي….انفال
وهذي البسبوسه تشبه البسبوسه المحشوه بالقشطه 0000مع اختلاف ان البسبوسه اللي حطيتيها توضع في الخلاااااط والحشوه كذلك تختلف 0000000000
تصدقون انى من 3شهور ادور على هالطريقه والحمد لله
لقيتها عندكم—الله لا يحرمنا من تجاربكم