المقادير:
2 كيلو كرز حامض
لحمة مفرومة و مشكلة كرات صغيرة
سمنة
بهار
ملح الليمون
سكر
خبز عربي مقطع مثلثات صغيرة
بقدونس مفروم للتزيين
طريقة التحضير :
احضري الكرز و انزعي العجو منه بعد غسله جيدا و ضعيه بالخلاط حتى يصبح متل العصير (و بيصير كمان بدون خلط )
ثم ضعيه على النار و اتركيه يغلي و يتعقد حتى يسمك قوامه شوي
اضيفي السكر حسب رغبتك بس المهم ما يكون لا حلو و لا حامض يعني يكون طعمه مستساغ الك
و ملح ايضا حسب الرغبة و شوية بهار و اتركيهم حتى يتعقدوا مظبوط
احضري اللحمة المفرومة و تبلها بالبهار و اعمليها على شكل كرات صغيرة و بعدين اقليها بالسمن
بتحبي السمن نباتي او حيواني ما في فرق بس الحيواني اطيب
حتى تستوي و بعدين ضعيها بمرقة الكرز و دعيها لمدة 10 دقائق و هي تغلي بالمرقة
احضري صحن كبير طفح و صفي الخبز المقطع على دايره من الخارج للداخل
و بعدين حطي المرقة فوقه بس بدون اللحمة حتى يتغمر الخبز كله
و بعدين حطي كرات اللحمة
و زينيه بالبقدونس المفروم
و صحتين و عافية
أختي الغالية الطريقة التي كتبتها لك الأخت صحيحة و أنا مجربتها كتييييييييير
والكرز كما قلتي يجب أن يكون كرز الوشنة
وبعد أن تنتهي من اعداد الطبق رشي عليه القرفة الناعمة فهي التي تعطيه النكهة الطيبة
وبالهناء والشفاااااااااااااااااااااااااااااااااء