اخواتي الحبيات ..توفيت صديقتي منذ حوالي 5 شهور كانت وفاتها صدمة بالنسبة لي …كانت رحمة الله عليها نعم الاخت والصديقة ..تعبت فجاة وانتكست حالتها رحت زرتها بالمستشفى وكنت على اتصال معها لكن سبحان الله تفاجانا بوفاتها
وسبحان الله ربنا قدر انه الدكتورة المسؤولة عن حالتها تتصل علي لتخبرني انها في حالة نزاع واني اخبر اي حدا من اهلها …انا توقعت انها اتصلت في لاني اخر شي رسلت لها رسالة وحاولت اكلمها لكنها كانت تعبانة وقالت لي انها ممنوعة من الكلام ..لكن ربي قدرانه الدكتورة تتصل علي لانها مااخدت رقم احد من اهلها من الملف الا انها فتحت الجوال واخدت اول اسم الي هو انا
ربنا اراد اني اكون معها وادعي لها باخر لحظاتها بهالدنيا …وكنت على اتصال مع والدتها لاخر لحظة وانا بالطريق عرفت انها توفت لكن رحت وشفتها على نفس التخت لكن سبحان الله كانت جثة هامدة لاحراك ….الله يرحمها ويغفر لها
اصريت اني اروح على المستشفى مع اني عرفت انها توفت حسيت انه امها واختها بحاجة حدا يخفف عنهم بمتل هيك ظرف …والحمدلله وقفت معهم ..ورحت العزا ..
امها واحنا بالعزا نادت علي وبالاسم وقالت لي تعالي اقعدي جنبي ..وبكيت لاني حبيبة الغالية
علاقتي باهلها كتير رسمية كنت ازورهم بين كل فترة وفترة ….
ترددت كتير بعد العزا هل ارجع اتصل فيهم ولاراح اجدد احزانهم الي اكيد هم مانسيوها…وسبحان الله بنفس الفترة الاقي رسالة من اختها بدعوة وكل فترة وفترة بينا رسايل
بيوم حبيت اكلم امها ردت هي وصارت تبكي تقولي كنت اقول لبنتي انه تتصل عليكي وحلفتني اني مااقطعها من الزيارة والمكالمات والسؤال عنها ووعدتها بزيارة ورحت زرتها طبعا كان الموقف صعب كتير لي ولهم
كل ماتشوفني تبكي ..وبنتها قالت لي انها وصتها ماتقطعني من الزيارة
صديقتي الله يرحمها كانت مندوبة بشركة ولما توفت لقو شغلات هي محتفظة فيها الام شالت اغلبها واحلاها وقالت بهديها لاغلى انسانة عندها الي هي انا …..
حاولت بين فترة وفترة اتواصل معهم لما سافرت كلمتهم …ولما رجعت كلمتهم هنيتهم برمضان بنصه طبعا …عالعيد ماقدرت اكلمهم الا رابع يوم
بعف انهم بيحبوني وبذكرهم بالغالية بس دموع امها بحسعا غالية ومابتهون علي ..اخت صحبتي بتقولي امها قالت لها اشوف كل الناس عادي بس فلانة غييير كانها شايفة بنتها ..قلت لها اذا بدايئها احكي مابتصل بتقولي لي لا بالعكس حاسين فيكي
مابعرف…هل اخليها تليفونات وبس …ولابفترة العيد ورمضان كان لازم اروح اسلم عليهم بجد بعرف معزتهم لي وغلاوتي عندهم …لكن بحس اني بجدد عليهم الاحزان
وغيرهيك كانت صحبتي الله يرحمها دايما بمزح تلمح انها كانت ناوية تخطبني لاخوها لكني خطبت 
….الان انا عندي اخت وهم عندهم شاب ماتزوج اخاف يفهمو تقربي منهم انه يخطب اختي …بجد محتارة
كيف اتصرف معهم ..امها كبيرة بالعمر مابتطلع من البيت الا لضرورة