الطريقة التقليدية لهذا الطبق تختلف قليلا عن طريقتي اليوم فأهل دمشق كانوا قديما يعملوها بخبز عادي غير محمص و لا يزال الكثير منهم يتبعوا نفس الطريقة لكن مرة دقتها عند صديقة لي كانت محمرة الخبز و عجبتني فقلت لنفسي ليه لأ التطوير و التجديد حلو أحيانا اتفضلوا و شوفوا كيف عملت التسقية ( فتة الحمص ) اليوم
المقادير:
2.5 رغيف خبز شامي مقطع إلى مربعات ومحمر بالزيت
2.5 كوب حمص مسلوق
3- 4 كوب لبن زبادي
2 ملعقة كبيرة طحينة
3-4 حصوص ثوم مهروس
ملح – كمون – بابريكا
ملعقة كبيرةمن السمن ( يفضل السمن الحموي )
بعد ما نحمر مربعات الخبز بالزيت نصفيه تماما و نضعه في صينية أو جاط بايركس أو أي وعاء بتحبي تقدمي التسقية
نتبل الحمص المسلوق و الساخن بملح و ملعقة كبيرة من الكمون و ملعقة بابريكا وبالمناسبة أنا بحب أسلق الحمص بنفسي و ما بحب الجاهز
[u[/url=http://www.momeen.org/up]
[/url
نخلط اللبن مع الطحينة و الثوم المهروس و شوية ملح و نحاول أن ندفئ اللبن قدر الإمكان ممكن بالمايكروويف العملية تدفئة مو طبخ
نضع الحمص على الخبز المحمص مع الإنتباه لأنو مرق سلق الحمص لازم يكون قليل جدا حتى نحافظ على قرمشة الخبز أما إذا كنا عم نستعمل خبز عادي فرح نحتاج إلى ترطيبه بكمية من مرق سلق الحمص حتى ما يكون ناشف يعني حوالي نصف كوب مرق
نضع اللبن على الحمص و مباشرة نضع على الوجه السمن الساخنة جدا ( سخني السمن من دون ما تحرقيه)
لازم تكوني سريعة و تكون كل المكونات ساخنة بنفس الوقت لأنو هالأكلة مو طيبة إذا بردت
http://www.momeen.org/up/uploads/5fcb6e8c71.jpg
زيني الوجه بالصنوبر المحمر بس أنا حطيت لوز لأنو أولادي ما بيحبو الصنوبر رشي رشة خفيفة من البهار( السبع بهارات ) و كليها بألف عافية و لا تنسي تقدمي معها المخلل و تشكيلة حلوة من الخضروات أنا عندي مخلل رائع عملته بتشكيلة من اللفت و القرنبيط و الملفوف طعم رائع و لون رهيب شوفي الصور و احكمي بنفسك
[l=http://urwww.momeen.org/up]
[/url]
http://www.momeen.org/up/uploads/01f2b00994.jpg
يا الله مين الشاطرة اللي رح تجرب أول
طبق اكتر من رائع ……….. طالع من ايديك تحفة
الله يعطيك الصحة والعافية ويشفيكِ وما ننحرم منك ولا من اطباقك الرائعة
وصحن المخلل لوحده حكاية … انا طماعة بدي طريقة المخلل
جزاك الله كل خير … اقر عينك باولادك يا غالية
بتشهي كتير حلوة
وانا حزرت بالدردشة أنها فتة حمص
ما شاء الله عليك
طبق رائع
على النص بيني وبين ام ليانة والباقي يدبرو حالهم ههههههههه
يسلمو ايديك حبيبتي
و عا فكرة كمان بالشام في كتير بيطحنو الحمص مع اللبن و بيسموها ( تسقية ببدوة ) بس أنا بحس بتصير كتير تقيلة و بتغلب لهيك ما بحط حمص مطحون
نورتو حبيباتي
تحفه فنيه
شغل معدلات ما شاء الله
وانا راح على
اخدوه ام اللول وميمو
ريته صحه وهنا
الله يعطيك العافية يا عسولة انت
شو هالتسقية هاي يا عمي.. الله يسلم إيديك وعينيك يارب.. شكلها بيشهييييييييييييييييييييي..
بعدين شو مين راح تجرب.. انا بدي ياه ع السريع بدون إنتظار ..
أنا بضيف لها لحمة محمسة بالسمنة .. وصنوبر ..
الله يبارك لك يارب..