يا قمرات 
النهارده حنعمل محشى الباذنجان بطريقتنا المصريه
نبدا بالمقادير
بصله كبيره مفرومه
2 م كبيره سمنه
2م كبيره زيت
عصير طماطم تقريبا لتر ونص
3 م كبيره صلصله طماطم
ملح وفلفل وبهارات
خضره (شبت وبقدونس وكسبره)
حبه ففلفل رومى كبيره
2.5 ك رز مصرى مغسول
وبذنجان مقور
نبدا بالخطوات الاول نحمر البصل فى السمنه والزيت
لحد مايبقى بالشكل ده نضيف عصير الطماطو والملح والفلفل والبهارات وصلصه الطماطم
ونسيبها لحد ماتتسبك
وبعد كده نفره الخضره مع حبه الفلفل فى الكبه
ونضيفهم على الطماطم ونقلب
ونضيف الرز المغسول
ونقلب لحد ما يختلط كويس ونقفل النار
ونكون غسلين الباذنجان المقور وحطينه يصفى ميته ونبدا بالحشو
انا بحط الحله واقفه عشان يبقى مرصوص كويس بالشكل ده
لحد ما نخلص الكميه
نضيف عليه شوربه فراخ او لحمه لحد ربع الحله كده ونحطه على نار عاليه لحد ما يبدا فى الغليان بعد كده نهدى النار لحد ما يستوى ونقدم معاه فراخ محمره
وده الشكل النهائى
لو عجبكواا الموضوع ادعو لى بالذريه الصالحه
تسلم الايادي علي احلي محشي
وربنا يرزقك بالذرية ان شاء الله
تسلم ايديك على الوصفة الحلوة والشهية
الله يعطيك العافية ويزقك الذرية الصالحة
تسلم الايادي يا قمر شهتينا
بس ياأروبه لقيتيه فين انا مبلقهوش حلو فالشتا
تسلم ايديك وربنا يباركلك ويديك كل الي تتمنيه
وتسلمى على الوصفة الجميلة
محشي بيشهي
يسلموا ايديكي
تسلمي حبيبتي..و تسلم يدك…عجبتني حتة الفلفل الاخضر اللي مع الخضرة دي..جديده عليا