محشى مشكل بالطريقة المصرية من ايدى 2024.

السلام عليكم يا احلى بنات
انا ان شاء الله هوريكم المحشى بطريقتى
انا طبعا جبت الكوسة والبذنجان واورتهم والفلفل الرومى ونظفتة وغسلتهم كويس
وحددت كمية الارز اد اية وغسلتة
وبستخدم شبت وكسبرة خضراء فى ناس بتحط بقدونس بس انا مش بفضلة
وطبعا التوابل ملح وفلفل اسود بس مش كتير وكمون وطبعا طماطم معصورةو معلقتين صلصة الجاهزة
وبصل وفصين ثوم
الاول بنصفر البصلة مع السمنة
وقبل ماتصفر اوى نحط الثوم لغاية ما يدبل شوية نحط عصير الطماطم ومعلقتين صلصة جاهزة
لغاية ما يتسبك اكون فرمت الكسبرة والشبت ناعم
بعد ما تتسبك الصلصة انزل بالارز عليها والكسبرة والشبت المفرومين واقلب تقليبتين واشوف الملح
وبعدين اسيبها تبرد شوية
وابتدى احشى وبحط مع البذنجان الفلفل الرومى والكوسة لوحدها لان سواهم مختلف
واحطهم على النار واشربهم شوربة مع عصير طماطم متتبلين كويس واعلى النار فى الاول لحد ما يشرب الشوربة وبعد كدة اوطى النار خالص
وبالهناء والشفاء ودة شكل المحشى بتاعى يا رب يعجبكم
معلش مقدرتش اصور كل الخطوات لان فى المحشى الايد مبتكونش جاهزة للتصوير
اسيبكم مع الصور
دة محشى البذنجان

ودة كمان

ودة الكوسة والفلفل

ودة من قريب

واى سؤال انا حاضرة ان شاء الله