بصراحه انتو عارفين الاجازه قربت والزواجات والمناسبات قربت وعندي كذا مناسبه ومحتاره كيف اسوي فستاني
هل افصله ..او اشتري جاهز
سؤالي هنا
1-ايش الموضه بالموديلات الان .والالوان..
.سمعت ان الشيفونات الي فيها خرز بسيط وكرستال هي الاقمشه الدارجه؟؟
سؤالي الثاني
ابغى محلات ازياء بالرياض تكون ناعمه وتنفع سهرات ومو غاليه كثير بحدود
1000 –1500
سؤالي الثالث
ابغى تدلوني على محلات الاقمشه الحلوه بالرياض ..يابنات انا مو من الرياض بس عندي لها زياره في الايام الجايه وابغى استفيد من زيارتي ..جزاكم الله خير ساعدوني محتاره وتعبانه من التفكير
كتبت بواسطة دلوعة ماما سؤالي الثاني
ابغى محلات ازياء بالرياض تكون ناعمه وتنفع سهرات ومو غاليه كثير بحدود
1000 –1500
اذا تقصدين فساتين سهرة؟؟؟
فيه محل بسوق الاندلس اسمه مسائي بالدور الثاني عنده اشياء حلوه بس مشكلتها انك تلقين 3000 حرمه لابسه مثلك
وفيه هارفي نيكلز بالفيصلية عنده اشياء حلوه لكن غالي 
في مملكة المرأة محل عنده فساتين خياااااااااااااااااااااااااااااااال …مااعرف اسمه لكن ارخص فستان بـ14 الف 
غير كذا والله مااعرف انا صرت اخيط وارتاح
كتبت بواسطة دلوعة ماما سؤالي الثالث
ابغى تدلوني على محلات الاقمشه الحلوه بالرياض ..
الاقمشه بالرياض احلا شي العليا موول يجيبون اشياء خيااااااااااال لكن لها مواسم محدده يعني مو دايم تلقين فيها شي حلو 
فيه برضوا الاندلس احيانا تلقين اشياء تفتح النفس
غير كذا لا تروحين 
لأنك راح تلقين نفس الاقمشة الموجوده عند الاندلس والعليا مول بس اغلى بواااااااااجد 
كتبت بواسطة البقرة اي صح صادقة 
نسيت اقولك عن مجمع الموسى … راح تلقين فيه اشياء حلوة
بس تدرين
دلوعه شكلك منتب حولنا
فالحين انا عندي عرس اخوي وعندي ماساه زيك …ابغى اعرف محلات فساتين ناعمه ومميزه بنفس الوقت …لاني بنزل السعوديه ومابيكون عندي مهله غير اسبوع واحد قبل الزواج ..والله يسهلها
جزاك الله الف خير على ردك لي واهتمامك وباينتك قلبك ابيض ..والظاهر انك بنيه صغيره وكلك شباب وحيويه
واكيد حلوه .. عكس اسمك يالغلا
تسلمين والله .. وانشاءالله عزيزتي بسير عالمحلات الي قلتي للاقمشه .وبيني وبينك شلت من بالي جاهز
عندنا بجده زيكم بالرياض الجاهز سعره نار ..وبصراحه حرام اشتري فوق 1800 فستان ..الحمد لله نقدر ندفع لكن هذا كله فستان بينلبس بالكثير مرتين ومصيره يندس بالدولاب
وكل شي محاسبين عليه—————-
انا الان في الرياض لي كم يوم واخذت فيها لفات ..عالعليا والاندلس بس ..لقيت اشياء كثيره حلوه متنوعه من الاقمشه
..وشفت الاغلبيه للالوان الزاهيه وقطع شك صدور ..معها مطقم شيفونات مشجره حرير مطرزه ناعم ناعم ناعم … لكن لحد الان ما استقريت على رأي
——————
اختي العزيزه (ال ب ق ر ه )
سوري استحيت منك اكتب اسمك سا محيني حاستك ارقى من كذا
مشكوره على مساعدتك والمحل الي دليتني اياه بشوفه اليومين هذي انشاءالله بس عيوني ما عندك فكره كيف اسعاره …ومسموحه يالغلا مره ثانيه
كتبت بواسطة a&a فالحين انا عندي عرس اخوي وعندي ماساه زيك …ابغى اعرف محلات فساتين ناعمه ومميزه بنفس الوقت …لاني بنزل السعوديه ومابيكون عندي مهله غير اسبوع واحد قبل الزواج ..والله يسهلها
يا هلا وغلا اختي انا سمعت عالمتنبي ولا مره بصراحه زرته لضيق الوقت دايما لما ازور الحبيبه الرياض
وانشاءالله بحاول اشيك عليه
تسلمين يالغلا وما قصرتي تعبناك معنا ..وانشاءالله ربي يوفقك وتلاقين اشياء حلوه لزواج اخوك وبسرعه ..
بس ما اعرف كيف بتصبرين لحد قبل العرس باسبوع انا اذا ماجهزت كل شي قبل المناسبه بشهر ونص ..ما ارتاح 