هلا وغلا بأحلى الصبايا
راح أقدم لكم طريقة عمل مخشي الكوسا باللبن
انا دائما طبخي بدون مقادير على البركة دائما متل الوالدة الله يرحمها
ويرحم جميع أموات المسلمين
المقادير :-
كوسا حجم صغير
لحم
بصل
صنوبر
بهارات
لبن زبادي
ملح
مكعب ماجي
نشا
لحم
بصل
صنوبر
بهارات
لبن زبادي
ملح
مكعب ماجي
نشا
الطريقة :-
نغسل الكوسا بمي وملح ونحفره هذا أهم شي بالموضوع 
نيجي لتحضير الحشوة
نقطع اللحم حجم صغير راس نحلة مو عصفور ههههههه
نغسلها وبنحطها عالنار مع اضافة كوب ماء وملح
ونتركها على النار لغاية ما يستوي وتنشف المي
نقطع البصل حجم صغير ونقليه مع زيت لغاية ما يذبل
نقلي الصنوبر خفيف بدون تحمير
بعدها نقلب اللحم مع البصل والصنوبر مع اضافة البهارات والملح
هلأ صارت الحشوة جاهز نتركها تبرد شوي
ونبدأ في حشو الكوسا وبعد ما نخلص
نبدأ بالقلي
بعد ما ننتهي من القلي نكون مجهزين في صينية مية سخنة
ونبدأ بوضع الكوسايات في المية لمدة عشرة دقائق
هلأ نيجي لتحضير اللبن
انا بستخدم دائما لبن المراعي هالمرة كان خالص من السوبرماركت
جبت لبن نادك
حطيتهم بالخلاط مع مكعبين ماجي ونشا وملعقة لبنة عشان تعطي حموضة
وشغلت الخلاط اززززززززززززززززززززززززززززززززززز
صبيتهم في الطنجرة وصرت أحرك فيهم عشان ما يفرط اللبن
لما صار اللبن يغلي سقطت الكوسايات وتركتهم شي عشرة دقائق
فرمت تومة وقدحتها مع زيت وكزيرة ناشفة
وطششششششششش على وجه اللبن ياسلالالالالالام عالريحة بجننننن
كنت مجهزة الرز وعارفين الطريقة أكيد
وهاي أحلى مخشي كوسا مع صحن مخلل وزيتون فلسطيني ومن طولكرم بالتحديد وصحتين وعافية على قلوبكم يا أمامير
وإن شاءالله الطبخة تكون عجبتكم …
تحياتي …..
تسلم الايادي يا قمر
انا ضمنت غدايا قبل ما حد ييجي ياخد الطبق
وتسلم الايادى الجميلة
والف هنا وعافية على قلوبكم
كتبت بواسطة cliopatra 
الله علي فلسطين واهل فلسطين
تسلم الايادي يا قمر
انا ضمنت غدايا قبل ما حد ييجي ياخد الطبق
تسلم الايادي يا قمر
انا ضمنت غدايا قبل ما حد ييجي ياخد الطبق
هلا حبيتي cliopatra
تسلمي .. هذا من ذوقك يا قمر
وصحتين وعافية على قلبك
كتبت بواسطة حنان(البحرين) تسلم يدكِ عزيزتي على الأكله الطيبه كثير
هلا عزيزتي حنان
تسلمي وشكرا لك على التميز حبيبتي
كتبت بواسطة ام مالك وعمر صحة وهنا كثير طيب وشهية
iهلا بك سموحة
تسلمي على قلبك حبيبتي
كتبت بواسطة amal250 بسم الله ماشاءالله عليكى
وتسلم الايادى الجميلة
والف هنا وعافية على قلوبكم
هلا amal250
الله يسلمك حبيتي وشكرا لك على تعليقك الطيب
يسلمو ايدكِ نسومة
ويا عيني ع زيتون طولكرم بجنن
الله يسعدك لشو على هالصبح هالفنون
والواحد مية من الجوع الف صحة وهنا
كتبت بواسطة حنونة الامورة يا سلام على مخشي الكوسا
يسلمو ايدكِ نسومة
يسلمو ايدكِ نسومة
ويا عيني ع زيتون طولكرم بجنن
هلا حنووووونة
تسلمي وايديك حبيتي
اي هو في أحلى من زيت وزيتون فلسطين
لو تشوفيني اول ما يجو التنكات بقعد أحضن وابوس فيهم زي الهبلة ههههههه
لأني بشم ريحة بلادنا فيهم