قبل كم يوم ام عدي نزلت موضوع الشيف الصغير وما قدرت ما اشارك فيه
انا بعرف اني مقصره وما عم بنزل اي موضوع بس الامر خارج عن ارادتي والله والله يعلم كم لكم معزه في قلبي
لكن امس اكتشفت انه ما عندي خبز وانا عاده بعمل كميه وبضعها بالفريزر
فشمرت عن ذراعي وعجنت شويت عجين والصغار لما شافوني بعجن عينكم ما تشوف غير النور راحوا جابوا العده تبعتهم وغسلوا ايديهم وبلشوا عمليه الرق والمناقره بين بعض
البطاقه التعريفيه للتتار
الست ديانا هانم دلوعه بابا ومطلعه عيني عمرها ماشاء 4 سنين و10 اشهر
واحمد بيك الbig boy
6 سنين و9 اشهر ماشاء الله
المقادير
انا عملت 10 كاسات طحين اسمر
2 معلقه كبيره خميره
معلقه كبيره سكر
ماء دافي
و4 معالق صغيره ملح
بالنسبه للمحل انا عياري لكل كاسه بضع نصف معلقه صغيره ملح بس انا قللت منهم امس
نعجن العجين ونتركها لترتاح لمده نصف ساعه الي ساعه حتي يخمروا ثم نقطعهم دوائر صغار ونبلش نفردهم وانا بضعهم علي قطعه قماش حتي انتهي من الكميه كلها وعبار ما يحمي الغار انا شغلته علي حراره 450 ووضعت بلاطه فيه ونزلت الشبكه علي الاخير وعليها البلاطه حتي سخنت ثم خبزت الخبز بسرعه
وانا نزلت 5 صور ما قدر انزل 3 صور بس وضعت صوره للعمليه
وان شاء الله تعجبكم مشاركت الصغار في الشيف الصغير
هون العجينه لما خمرت
هون السيد احمد بيك عم بفرد في العجين
هون الست ديانا شغاله كمان
هون بعد فرد العجين وتركته يرتاح عبال ما سخن الفرن
وهذه اول دفعه لعيون الصبايا لا تستحوا مدوا ايديكم
انا اكلت تقريبا 3 وانا بس بصور فيهم
ممممم
والله يخليلك حمادة ووديانا ويرزقك باخ او اخت لهم عن قريب
خبزات بتجنن
وكيف لما تكون من تحت دياتهم
صحة وهنا
وبالتوفيق حبيبتي
ربي يحفظهم ويحميهم حمودي وديانا
الخبز شكله مشهي خصوصا مع استعمال البر
تسلم الايادي الصغيرة اللي مدت وبسطت
كتبت بواسطة ام مرمر و ليلو 
والله يخليلك حمادة ووديانا ويرزقك باخ او اخت لهم عن قريب
خبزات بتجنن
وكيف لما تكون من تحت دياتهم
صحة وهنا
وبالتوفيق حبيبتي
الله يسعدك يا ام الصبايا الحلوه وان شاء الله اجمعين يارب ان شاء الله السنه الجاي بهذا الوقت يكون بحضنك اخ للعرايس يارب
كتبت بواسطة moon and stars ربي يحفظهم ويحميهم حمودي وديانا
الخبز شكله مشهي خصوصا مع استعمال البر
تسلم الايادي الصغيرة اللي مدت وبسطت
الله يسعدك يا موني ويخليلك الاطافيل يارب
هم ساعدوني بس بعدين قضيتها قاضي بينهم بين ماما احمد لمس عجينيتي وديانا عم بتقلدني
ربنا يسعدك ويبارك لك في الأستاذ أحمد والأمورة ديانا
ما شاء الله الخبزات طالعة من تحت إيدهم بتشهي (*
ماشاء الله الخبزات طالعين روووعة
يسلمو هالايادي الناعمين
صحتين وعافية يارب
الله يحفظلك اولادك وتشوفيهم كبار ومتفوقين في كل شيء
امين
احلى خبزات شفتهم
بكفي لمساتهم عليهم
بس كتير عجبتني العدة
ربي يحفظهم
وبعدين قاضي الأولاد شنق حاله يا أماني
طنشي يا عسل
منيح اللي ما قالوا لك من خبزاته أطيب
الله يحميلك اياهم يارب وتشوفيهم من احسن الناس وتجيبيلهم الاخوة