بسم الله الرحمن الرحيم
كيفكم يا احلا مشرفات واحلا صبايا
الصراحه حبيت ارجعكم لسنة الخمسينات بدى افرجيكم مقلا او مقلاه او مقلى زى ما بدكم كان موجود فى كل البيوت الفلسطينيه كانو اى شى بدهم يقلوه يضعو زيت زيتون فى هذا المقلى ويضعوه على موقد الحطب ويولعو النار ويقلو اى شى بدهم فيه
المهم حماتى محتفظه فى هاى المقلاه
بتتذكرو لما عملنا ورق القرنابيط حكيتلكم هاى الزهره بنعمل فيها اشى عن قريب
على شان زهره بلدى حكيت لحماتى اعمليها مشاط بطريقة زمان وعلى الحطب
طوووووووووووووووووووووووولنا يلالالالالالالالالالالالالالالالا
هسا ما فى مقادير فى مكونات وطريقه
المكونات
زهره مقطعه
4 بيض
1 ضمه من البقدونس كبيره
طحين
ملح +فلفل اسود +زعتمانه مطحونه شكلها مثل الزعتر بس ورقتها اصغر ولها رائحه زكيه
بصله كبيره
زيت زيتون
الطريقه
نضع الزهره فى طنجره بها ماء يجب ان يكون الماء غمرة الزهره بس مش كتير
نفرم عليها البصله ناعم + 5 ملاعق زيت زيتون
نضعها على الغاز حتى تنضج الزهره
نتركها تبرد بعد ما تبرد ننشل الزهره من الماء
نضع على الماء الذى سلقنا به الزهره الملح + الفلفل +البقدونس + الزعتمانه ونحرك جيدا
نبدا باضاف الطحين حسب كمية الماء ونخلط حتى يتبين انه صالح لعمل عجه
نخفق البيض ونضيفه على المكونات
نضيف الزهره على العجين ونحركها
نضع على النار المقلاه كما ترون وبها زيت زيتون نبدا بقلى المشاط على شكل دوائر مثل العجه
والف صحه وهنا
عجبكم المشاط الفلاحى ولالالالالالالالالالالالالا لالالالالالالالالالالالالالاء
هذا شغل حماتى يااااااااااااااااااااااااااا صبايا
يارب يحفظك ياعسولة….
وانشوف هالابتكارات الحلوة…….
أول مرة بسمع بالزعتمانه كيف طعمها
بنقدر نستبدلها بالزعتر إذا كانت غير متوفرة؟
يارب يحفظك ويسعدك
شو ما عملتي بيطلع بيشهي..و هالمرة بلمسات حماتك..يعني في تميز….÷ههههههههه
عن جد الطبخ عالحطب أطيب و أزكى من الأفران الحديثة
الله يباركلكن***
أنا كتير بحبها للمشاط وانا تعلتمها من حماتي ..
تسلم إيديك وإيد حماتك يارب..
كتبت بواسطة لطيفة82 
الله يسلمك يااااااااااااااااااااارب