انا جمعت كلام كتير اوى عشان اقولهولكوا ورتبتوا كتير فى راسى قبل ما ابدأ كتابة الموضوع واتبخر فارجوا انكوا تستحملوا رغيي
انا بنوته مصرية منصراوية حلمى انى اكون مصممة ازياء بغض النظر عن انه مش متاكده من نسبة موهبتى تسمحلى ولا لا بس انا واثقة انه كل موهبه من مواهبنا بالثقل والدراسة اكيد بتزيد هتقولولى وايه اللى مانعك تدرسى هقول مع الاسف انا بنت وكمان من المنصورة وبدرس !!! يعنى لا الوقت ولا المكان ولا كمان الظروف المادية فى صالحى اوى الحمد لله لكن كنت فرحت جدا لما لقيت الاستاذة اشواق تطوعت عشان تقدملنا خبرتها ودراستها
ولكن مع الاسف الدورة توقفت …
انا يا بنات دراستى مش بعيده عن مجال الملابس بالعكس
انا طالبة باخر سنة بكليه التربية النوعية بجامعه المنصورة يعنى معايا ملابس وتغذية وكمان اشغال فنيه
مش هطول عليكوا اكتر من كده وهقول انا عايزة ايه
اولا بدعو للاستاذة اشواق بتيسير الحال يارب وتوفيقها وراحة بالها ورجوعها لينا تانى افضل باذن الله
ثانيا ليس المقصود من تطوعى انى احاول اخد مكان حد يعلم الله هذا انا كل فكرتى هوضحها حالا
احنا يابنات هندعوا لمدربتنا لانه حقها علينا وكمان هنستمر فى الدراسة لحد ما هى ترجع باذن الله ((فكرتى انه احنا ف اى كلية بندرس قشور المواد وعلينا البحث والتنقيب ورا المعلومات وكمان لما مدرس بيغيب لظرف ما ف اى كلية الطلبة بيكملوا ابحاثم ودراستهم لحين رجوعه))
هنستفيد اننا مش هنقتل حماسنا وهنزود من معلوماتنا اللى بإذن الله هتيسرلنا فهم باقى الدروس مع مدربتنا الغاليه بإذن الله
انا خطتى ان شاء الله لو وافقتوا اننا هنجيب جدول الدروس ده
الجدول الخاص بمواضيع دورة مودا ستايل moda style
وهنشوف المواد اللى فيه او الدروس اللى فيه وهناخد كل درس باستفاضه عن طريق عمل ابحاث على النت او كتب نبحث عنها سواء مطبوعه او ورقيه او من المناهج اللى درستها فى كليتى وكل اللى زيى ودرست ولو بجزء تفيدنا بخبرتها ونشجع بعض ونحط ابحاثنا وخبراتنا ونفيد بعض
واذا وافقت الادارة نعمل لينا جروب على الفيس لسهولة التواصل والمشرفات يكونوا معانا فيه وننزل الدروس هنا ف المنتدى
مستنية رايكم
الااردة:::ارجوا تثبيت الموضوع اذا تمت الموافقه واعلام باقى المشتركات
فكره رائعه ويثبت الموضوع تمنياتي كن بالتوفيق ^_^
ونكون مع بعض خطوة خطوة حتى تثمر تلك الدورة
الله يوفقك الجميع ونشكر كل من ساهم بتلك الدورة والدوارت الاخري التي تسعي لتثقيف المرأة المسلمه في كل مكان
فكرة ممتازة
شفاها الله وعفاها مدربتنا الغالية
ثانيا نسمى الله بقى ونبدأ بالكتاب ده هنقرأه كويس اوى لانه مفيد وهو اللى كاتباه الاستاذة رنا الاحمدى اللى انشأت معهد ستايل اكاديمى
قدمنا اسبوع نقراه كويس وكلنا هندخل نقول وصلنا لفين واستفدنا ايه
الكتاب اهو كيف-تكونين-مصممة-أزياء-ناجحــــة.pdf
وده الجروب يا بنات انا عملته عشان التواصل يكون اسرع ولكن زى ماقولنا الدروس هتكون هنا
https://www.facebook.com/groups/344109672368181/
يلا يا بناويت ورونى الهمة
كتبت بواسطة weilaya 
ان شاء الله نقدر نفيد بعض ونستفيد والله بخصوص الكتب تقدرى ترفعيها هنفيد بعض ونستفيد على قد ما نقدر وبالنسبه للدورة ممكن تفيدينا بخبرتك او تنقلى مع ذكر المصدر اكيد