السلام عليكم يابنات اخباركم ايه وكل عام وانتم بخير ورمضان كريم علينا وعليكو
هنتكلم النهاردة عن درسنا الاخير
هنتكلم فيه عن بعض النصائح اللى المفروض هتحطيها فى اعتبارك وانتى بتصممى مجموعتك الخاصه او لوحتى هتصممى لفرد بعينه
بسم الله
اول شء تحددى نوع السيسزون بتاعك والفئة المستهدفه سواء اطفال او رجال او نساء ونوع الملابس سواريه بيتى خروج وهكذا((الالوان قلنا ده موضوع اختيارى بيرجع لزوقك انتى كمصممة او احتياج السوق ))
تانى حاجه
حددى اتجاه المجموعه
بتاعتك يعنى بتطحتى عنوان معين وليكن الموسيقى والازياء او مثلا نوع معين من الازهار او موضوع معين اتاثرتى بيه
عايزة اقولك انه مش كل عروض الازياء والملابس اللى بتشوفيها دى لازم تتلبس لا بيكون فى عروض ازياء مجرد دعاية لمصمم معين او شركه معينه وعشان كده بتشوفى فيها انواع لبس ومكياج لاتليق بالمرة للبس
وبالتالى انتى برده وانتى بتصمممى مجموعتك هتحددى برده هل انتى بتصممى للانتاج ولا دعاية وده حسب شغلك والمطلوب منك ان شاء الله
حاولى تجمعى معلومات على قد ماتقدرى عن احتياجات السوق ومواصفات الملابس اللى المستهلكين بيحتاجوها عشان توصلى اسرع لمجموعه ناجحه
شوفى انتى حابة تبعتى الا رساله من خلال لبسك او مجموعتك وفنك عايزة تظهرى الفئة دى ازاى مثلا بنات الجامعه لو هتصممى ليهم كولكشن عايزاهم يظهروا ازاى ؟؟ اناقة اكتر من انوثة باختصار الجوانب اللى شايفه انه مجموعتك لازم تهتم بيها فى الجسم وممكن تنوعى داخل المجموعه الواحدة
فى النقطة دى ولكن باقى النقط يستحب انها تكون معممه عشان تكسبى مجموعتك الوحدة وانها تدل عليكى بمجرد ما تعرض زى مابتشوفى احيانا عرض ازياء من نصه لكنك بتعرفى المصمم من اسلوبه بمعنى تانى حاولى تظهرى شخصيتك واسلوبك
بمعنى تانى متحاوليش تقلدى حد
بعد كده انتى حددتى انتى محتاجه ايه وايه الشروط اللى انتى محتاجها فى الكولكشن بتاعك هيوحيلك مباشرة بالمصدر اللى تستوحى منه افكارك
بعد كده هتبداى بعمل مجموعة من الافكار اعملى افكار كتير اكتر من اللى انتى محتاجها وقاعده اساسية هنتفق عليها حتى لو فكرة معجبتكيش او زياده مترميهاش خليها احتفظى بيها هتحتاجيها بعدين او هتعدلى عليها او هتوحيلك بفكرة تانيه
وعدلى لحد ما تكونى راضيه عن شغلك عشان لو حد هيناقشك فى شغلك تكونى انتى فى الاساس واثقة منه ولما تتناقشى تتناقشى عنه بموضوعية اكتر مش هتكونى مضطرة تقبلى براى اللى قدامك مباشرة
قسمى وقتك كويس زى ما قولنا فى الدروس اللى فاتت عشان متتزنقيش وقت لتجميع معلوماتك عن مجموعتك ووقت للتصميم واعداد المجموعه ووقت لنفيذ العينة الاولى لمجموعتك اللى هتعرضيها على الشركة او المصنع ووقت لانتاج مجموعتك بقى فى المصانع ان شاء الله خلى عندك امل
لو هتصممى لشخص فرد واحد وده غالبا بيكون للمشاهير والتصميم بيكون بعقد بينك وبين الشخصيه اللى بتصمميلها بمعنى انك مش بينفع تعيدى استخدام التصميم لكنك ليكى الملكية الفكريه للتصميم وليس ملكية نشرها وبالتالى بتقعدى مع الشخصيه بتساليها عن نوع الملبس شكله ايه حاباه يكون ازاى وهى بتمليكى شروط اللى هتصممى على اساسها
بعد كده بتعرضى عليها بقى مجموعه من اعمالك اللى قلنا عليها قبل كده بتنطبق عليها الشروط اللى قالتهالك وبتعرضيها ليها ووبتعملى تعديلاتك اللى بتقولهالك النوع ده من التصميمات بيكون سعره غالى وبتستخدمى فيه خامات جودتها عاليه واغلب الشغل فيها بيكون يدوى كمان بتستخدمى نظرية الخداع البصرى فيها اكتر عشان تحاولى تخفى عيوب الجسم اللى قدامك وتشوفى ايه ابرز او اجمل شئ فى الجسم اللى قدامك وبتوجهى العين له بعيد عن العيوب فى تصميمك اللى هو بتشتتى اللى قدامك ميشوفش عيوب الجسم ويشوف اللى انتى عايزة عينه تروحله زى مثلا عندى عيب بروز البطن والشخصيه طالبه منك الفستنا بلون فاتح مثلا طيب هى لو محددليش اللون كنت استخدمت انا لون غامق هيخفى العيب عندها لكن مثلا حددت هيا اللون والقصة ولا مفر العيب ده واضح عندها انتى هتكملى تصميمك باتك تعملى فيونكة كبيرة او فراشة فى مكان تانى بعيد عن منطقة البطن الكتف بقى الصدر او اسفل الركبتين اى مكان بعيد عن العيب هيخطف العين للفيونكة وومش هتاخد بالك من البطن
كمان لو لقيتى حاجه معجبتكيش او الشغل مش راضيه انتى عنه او الشخصيه عندها عيب معين انتى ممكن توضحى وجهة نظرك مصحوبة بحل مرضى للطرفين
يارب اكون قدرت افيدكوا يابنات ويكون كلامى واضح
حاولت اجمع واقرا حجات عشان اجيب كل اللى اعرفه عن الموضوع واخيرا انا بريئة من اى حد هيستخدم المعلومات دى بطريقه غلط
سعدت بالشغل معاكوا (مفيش تطبيقى لانه كالعادة هتكسوفنى ومش هلاقيه ) فى انتظار ابداعاتكوا سواء هنا سواء على الجروب واخيرا لسه مازال عندى امل انه استاذة اشواق ترجع لينا تانى وتكمل لينا الكورس من مكان ما وقفنا
حصريات المراة والجمال
