✿✿مع صلصات التغميس للفاكهه DIP واول تجاربى 2024.

صلصات التغميس ويا ويلى من صلصات التغميس
يعنى انا مسكه نفسى ادام المحمر والمشمر والمقمر
واجى ادام الحاجات البسيطه ده اضعف
بجد يا نواعم لاحظت انها

1. مبتاخدش وقت خالص فى التحضير
2. انواع صلصات التغميس عالم كامل متكامل
3. انواع واشكال للفاكهه والخضار والعيش والتورتلات والمشويات حتى القراميشوفى منها كمان ما ذكرتوش
4. كانت فرصتى علشان أأكل ولادى اللى ما بيحبوش يكلوه زى الخضار وانواع فاكهه والزبادى والعسل

الاول حبدأ بأذن الله مع الفاكهه
وبرده حبدأ مع الصوصات العاديه للفاكهه
زى صوص الشوكولاته والكراميل

اولا : الكراميل

المكونات
كوب سكر
3/4 كوب كريمه او قشطهقطعه زبده صغيره ما يعادك معلقتين

اضع السكر فى مقلايه او حله عريضه
بعنى ماتكنش ضيقه علشان انا عايزه السكر مفرود ادامى فى المقلايه
اول ما اضع السكر لوحده على النار اضعه على نار هاديه
ممنووووووووووووووع تقليب السكر بالمعلقه
بعد ما تدوب اطراف السكر امسك المقلايه او الحله واهزها بأيدى زى ما اكون بلف السكر اللى جواها
علشان اللى داب ما يتحرقش
او ما يدوب السكر كله بقول يدوووووب مش يتحرق
اضع الكريمه واقلب بسرعه واضيف قطعه الزبده مع التقليب
وبكده الكراميله جاهزه

200 جرام شوكولاته
1 كوب كريمه
50 جرام زبده

اضع الكريمه على النار تسخن واول ما اشوف اطرافهها تغلى
اضع عليها الشوكولاته المبشوره وبعد التقليب والدوبان اضع الزبده واقلب كويس وبالهنا والعافيه

نكمل مع صلصات التغميس الغير تقليديه

4 قطع جبنه كيرى
1/4 كوب كريمه
اقل من 1/2 كوب زبادى
1/3 كوب فراوله مع 2 م ك عسل
او
3 م ك مربى فراوله

وكله يضرب بمضرب البيض لكن اضيف مكون مكون واكمل الخلط ( وممكن بدل الفراوله اخليها موز)


النوع التانى

مكوناته
1/4 كوب كريمه او سور كريم
1 م ك سكر
1/4 م ص فانيليا
1/2 كوب كريم شانتيه مخفوقه
ممكن اضافة اى نوع فاكهه
لكن انا ما اضفتش

الطريقه
اخفق اول 3 مكونات مع بعض
واخلطهم بالكريم شانتيه
وتقدم انواع الصلصات مع الفاكهه

كلها حاجات سهله وبسيطه
لكن بتدى شياكه للتقديم
وبتزيد الطعم لذاذه

يا لهوي يا لهوي يا لهوي
ايه دا يا برنسس حاجات تجنننننننننننننن

بصراحة صلصات ممممممممم

افكار رائعة ومميزة وتقديم شهي

تسلم ايدك يا قمر

انا حاخد الصحون واطيييييييييييييير
ولا بلاش حرام خلي للردود اللي بعدي شوي

ميرسي بوكو برنسس القمر

افكار رهيبه
وصلصات تفتح النفس
يسلمو ايديك

ماشاء الله
صلصات غايه في شياكه
بارك الله فيك

كلمة قليلة امام هذا الابداااااااااااااااع بموووووووووووت بالكراميل والشوكلا

لالالالالالالالالالالالالالا خرب الريجيم

حرام عليكي ياعسل

تسلمي برنسس وصفات رائعه

ماشاء الله تبارك الرحمن

ايه المشهيات والمغريات على الصبح دي

تسلم ايدك يا برنسس

ياريت واحد صوص بالكراميل لو سمحتي ههههههههه

في انتظار القادم يا عسل