الطبق ده رائع وكل ما اعمله يعجب زوجى يا رب يعجبكم
هاتى المكرونةواسلقيها عادى واعمليلها صلصة حمراء بالطريقة العادية
اما الفاهيتا….
بعملها بالفراخ او اللحم
هاتى اللحم البوفتيك او الفراخ(صدور) واقطعيها شرائح مثل الصوابع
وحطى عليها لمون..
على النار حطى شوية زيت زيتون عليه بصلتين مقطعين (مش ناعم اوى) وشوحيهم شوية وبعدين حطى عليه اللحم او الفراخ وقلبى لغاية لما الخليط ينشف وتتلون اللحم او الفراخ وبعدين حطى ملح وفلفل اسود وبهارات وزنجبيل وكمون وكوب ماء وغطى عليها وسبيها شوية وبعدين حطى عليها فلفل شرائح الوان وجزر مبشور ومشروم مقطع
ولما تستوى حطى عليها ملعقتين صلصة طماطم( المعلبة) تكونى مدوباها فى شوية ماء وحطى عليها عصير لمونة وفصين توم مقطعين ناعم اوى
اغرفى المكرونة وحطى عليها شوية فاهيتا وزينيها بالزيتون الاسود المقطع وشوية بقدونس وبألف هنا
يسلمو علي الوصفه
شكل الوصفه شهيه
حاولي تضيفي لها صور
كتبت بواسطة بحيرة البجع 
شكرا يا عسولة يا رب طريقتى تعجبك