السلام عليكم ورحمة الله و بركاته
حقيقة زمان ايام بيت اهلي قبل نتزوج اختي انجي كانت تعمل مكرونة سحرية انا لليوم مابنساها انا واخواتي
وقبل فترة سالتها كيف تعملها و قالتلي ومازبطت معي ابدا 
المهم اليوم كنت بدي اعمل مكرونة سالتها عن مكرونتها السحرية وقالت الطريقة
المهم رحت عملت بطريقة اخرى وانا بتحدث معها حكتلها بدي اعمل كزا وكزا
قالت يمي يمي
فقلت مدام فيها القصة يمي يمي مابدهاش يعني لازم نبعتلها صحن فور انتهاء الغداء 
مكوناتها بسيطة وسهلة وهية خفيفة مع سلطة عالجنب كانت ولا الز من هيك غدا خفيف
المكونات :::
مكرونة الشكل الي تحبيه
صلصة
سكر وملح
فلفل اسود وبهار
بصل وفلفل حراق حسب الرغبة انا اضفت قرن رحمة باولادي وزوجي لكن لو علية ضفت اكتر بكتير 
فلفل حلو حبة وحدة
بندورة 3 حبات او حسب مبدك يعني المقادير هيك تقديرية
بصل بودرة
كرفس
روزماري مجفف او طازة انا استعملت المجفف
فطر معلب
بودرة شوربة او ماجي وممكن تستغني عنهم
الطريقة :::
حطيت زيت زيتون و ثم االبصل والفلفلات و قلبتهم
ثم اضفت البندورة مكعبات
ومن بعدها رشيت بودرة الشوربة و البصل البودرة و الفلفل والبهار ( لم استعمل الملح طبعا لانو البودرة مالحة لحالها كفاية )
اضفت المشروم
ثم رشيت سكر شوي ملعقة صغيرة
وتركتهم يتسبكو شوي و اضفت الكرفس مقطع ناعم و الروز ماري
وشوية مية حسب الحاجة
وترتكتة لحتى استوت الخلطة
وهادا شكلها
المكرونة سلقتها نص سلق ومن ثم اضفت عليها الصلصة و تركتها تكمل نضجها مع الصلصة
هيك كان الشكل
وبعد فترة نشفت المية تقريبا ضل بقايا فقط و سكرت الغاز عليها وتركتها ترتاح شوي
وهي كيس المكرونة بسلم عليكم وهوة فاضي
وعملت سلطة سريعة بشرت جزر و قطعت خس و عملت صوص بسيط شوية ماسترد مع مايونيز وملح وزيت زيتون و خلطتها معاهم
وهي الاطباق النهائية
ان شاءالله يعجبكم و يعجبك يا انجي
بس انا برضو ماارتاحت نفسيتي لاني نفسي في مكرونتك
وبدي منك هلأ وعدعلى الهواء مباشرة على الملأ المرة الجاية بس تيجي بالسلامة ان شاءالله
تعمليلنا عند اهلك المكرونة الموعودة
… وان طبقتم مكرونتي وعجبتكم ماتنسوني من صالح الدعاء
بسم الله ما شاء الله
ربنا يحفظك ويحفظ إنجي أختك
أنا مش هاقدر ألطش الطبق لإنه مخصوص لها
بالهنا والعافية عليكي وعليها (:
تعالي اعترفي انت تعرفي انوج ؟
ياحرمة من جد تعرفيها ؟
تسلم ايديك طريقتك حلوة وريحتها شهية .
انووج نطالبك بعمل المكرونة هنا حتى نذوقها كلنا .
بيبي مورو الطشي معلش انجي كريمة وانت تستاهلي
ام سهيل صباح الخير انجي اختي يعني اختي عنجد مش قصدي اختي في المنتدى واخوة في النت ومدري مين هههه اختي بجد لحمي ودمي وعظمي و نخاعي 
شكرا لمرورك
تسلم يديكِ
الله يخلي لك اختك انجي ويحفظك لبعض يارب
وصفه شهيه غاليتي
عليك بالعافيه
تسلم الايدي