بسم الله الرحمن الرحيم
تدرون يا اخواتي الكل هالأيام يستعد للعيد بالتجهيزات و غيره .. منهم من يصرف الآلاف و منهم من يصرف المئات بالاستعدادات هذي .. فعندي اليوم لكم سؤال : ما راح اسألك عن المبلغ الإجمالي للصرف للعيد .. لا.. السؤال هو بخصوص ملابس العيد :
كم المبلغ إلي تحطينه لثوب أو بدلة العيد الخاصة بك؟؟ 
و هل هناك مكان معين تشترين منه بدلتك أو دراعتك ؟ حددي المكان 
أنابانتظار تفاعلكم و ردودكم إلي راح تثري موضوعي
انا عن نفسي سويت فستان من شيفون المشجر ( درجات البيج و برتقالي ) لاول يوم العيد
لثاني يوم اشتريت تنورة و قميص من مانغو من كولكشن الجديد
و لثالث يوم اشتريت بعد بدلة من انزو
و باقي اكسسوارات ( شنطة و حذاء و … ) لازم اخلصهم لاني ما احب السوق في الرمضان
و يمكن تستغربون ليش ثلاث بدل لاننا ثلاث ايام العيد عندنا عزايم و نفس المجموعة ايكونون متواجدين معانا و حبيت كل يوم اطلع غير
و ابا اقص شعري مدرج لان شعري سيدة و طويل لتحت الخصر و صابغة هاي لايت،، الحين بغير الصبغ و بصبغه بني غامق و لكن قبل العيد ب 4 ايام تقريباً
و ننتظر باقي الاراء
أما انا فما أخذت إلا ثلاث تنانير .. و مب محصلة لهم قمصان يليقون عليهم sid
و انا مثلك ما احب السوق في رمضان .. احس اني اسوي شي غلط
انا دايما ما احدد السعر اللي اشتري فيه ملابس العيد … اللي يعجبني اشتريه رخيص او غالي المهم الذوق …
والمحلين اللي افضلهم دايما زارا وانوتا
ومشكورة مرة ثانية وردة … 
شكرا على مروركم الطيب يا ummsو يا كينزة ..
شو الالوان الدارجة إلي أخذتوها ؟ 
بالنسبة ل Promod صح أشياءهم حلوة مرة و تاخذ العقل 
فانا احترت لان التنانير الاقيها ضيقه وقمصان الحمل لسه بدري عليها…
ورحت شريت من مراحل تنوره جنز بني حقت حمل..واخذت من مانغو بلوزه شيفون بيج على اورنجي
واشتريت تنوره وبلوزه من محل عادي ولكن اخذتها اكبر من مقاسي
واشريت قميصين البسهم بالبيت عند اهل زوجي ..
وانا احب اشتري قبل رمضان لان احس السوق شئ ماله داعي برمضان..
التنانير و القمصان أحسهم حق الدوام … و ما أحب ألبسهم في المناسبات الغاليه مثل العيد و غيره…
عشان كذيه تعجبني جلابيات اليشمك حييييييييييييييييييل أحسهم يناسبونا كخليجيات أكثر …
فأخذت من اليشمك جلابياتي ….