كل سنة وانتم بكل الخير يارب طبعا كلنا بدانا نعمل الكحك والبسكويت والبيتى والذى منه
بس انا واحدة باحب اعمل كل شئ فى البيت الشكولاته والملبن وكله والحمد لله بتطلع تجنن
واليوم باذن الله هاشرح اسهل شئ فيها الملبن
المقادير
2 كوب سكر – 2 ملعقة نشاء كبيرة (كورن فلاور ) كوب ماء – زرة ملح ليمون – مكسرات جوز وبندق – اى روائح انتىبتحبيها ماء زهر او ماء ورد او فانيليا
الطريقة
نضيف السكر للماء ونرفعه على النار واول مايدوب السكر فى الماء نضع ملح الليمون والنشاء بعد اذابته فى ملعقتين ماء
ونبتدى فى التقليب على نار هادية وده بياخد فترة او مانحس انه بقى سميك نضع المازهر ونقلب ونغلق النار
نضع المكسرات طبعا تكون محمصة ومقشرة
نحضر طبق ونرشه بالنشاء مع سكر بودرة ونضع فيه الملبن
ونلف نعمل منه رول قطره حسب ماتحبى انا هنا صغرته علشان يبقى قطع صغيرة
ونقطعه بعد مايبرد ويتماسك
وكل سنة وانتم بكل الخير حبيباتى
الوصفه جات فى وقتها
سلمت يداكِ ..
رووووعة ..
تم الحفظ للتطبيق .
يسلموا ايديكي
كتبت بواسطة chahira 
الله يكرمك يارب حبيبتى
شكله لذيذ و سهل كمان**
كتبت بواسطة alexess الوصفه جات فى وقتها
تسلمى حبيبتى جربيها حبيبتى وباذن الله مش هاتندمى