كل عام وانتم جميعا بالف خير يارب
ممكن طريقة عمل البوفتيك انا بعمل طريقة بعرفها بس قلت يمكن اخواتى هنا عندهم طريقة جديدة او طريقة احسن من ايلى اعرفها وجزاكم جميعا الف خير يارب
الاولى البيض تضعى عليه ملعقه صغيره زيت زيتون وبعدين تقلبيه مع الفلفل الاسود وتكملى طريقتك عادى
الاضافه التانيه وانتى بتحطى فى البقسماط اضغطى عليه بكف يدك جيدا حتى يلتصق بيه البقسماط تماما وخلصى البوفتيك وحطيه حوالى ربع ساعه او ممكن اكتر فى التلاجه
لازم التلاجه عشان لما تيجى تقليه ماينفك الطبقه الخارجيه منه وده مهم فى كل الاكل اللى بيتعمل ببيض وبقسماط وبعدين يتقلى زى الجمبرى والبانيه ……….الخ
كتبت بواسطة ام يااسمين 
مشاء الله عليكى اختى انا لسه بقرا هنا فى الرابط اكلاتك تجنننننن انا كمان مصريه وعايشه فى الكويت وهتابع معاكى هناك اكلاتك الجميله اما بخصوص البوفتيك فاهو نفس طريقتى تقريبا واشكرك على اهتمامك حبيبتى واسمحى ليا اتابع هناك معاكى فى الرابط ايلى فيه اكلاتك
اهلا و سهلا بيكى انا فى الامارات
الف شكر انتى اللى تجننى ربنا يخليكى