اخواتى فى الله كل عام وانت بألف خير
عايزة اتقدم بشكر لكل عضوات المنتدى اللى مش بيكتموا خبراتهم وبيفيدوا بيها غيرهم …عايزة اشكر نور الهدى …لانى جربت حاجات كتير من موضوعاتها وافادتنى كتير
عايزة اشكر هند …..لانى امبارح طبقت كيكة من مواضيعها وطلعت تحفة ماشاء الله
وعضوات كتير جدا ولسة ملف التطبيق كبييييييييير هاينتهى ان شاء الله بانتهاء رمضان
بس الحقيقة ليا استفسارات بشوفها فى المواضيع ومش بفهمها وعايزة منكم نصايح تفيدنى
اولا عايزة اعرف الكريم شانتية بيتعمل ازاى …..وهل هو هو اللى تقصدوا بيه الكريمة
ثانيا يعنى اية القيمر
ثالثا …التوفى انا عملته بطريقة هند انى احمر السكر واضيف علية القشطة الدافية
بس للاسف اتحمص معايا ونشف تماما …نفسى اعرف طريقتة ويطلع مظبوط
عايزة اعرف هو القشطة تقصدوا بيها القشطة اللى بناكلها مع العسل الابيض ولا فية نوع قشطة تانى …
واية هى القشطة اللى بنشتريها من السوبر ماركت
وسؤال ضرورى جدا بقى … عندى مناسبة خاصة جدا كمان كام يوم وعايزة اعمل تورتة وخايفة تبوظ منى …. عايزة المقادير بالظبط والخطوات بالظبط واشكال التقديم المختلفة
ارجو الرد سريعا …..وشكرا لكل واحدة هاترد عليا وتفيدنى
وكل عام وانت بألف خير …اختكم فى الله
الكريم شانتي هيه الكريمه السايله او البودر بس في الغالب يطلق شانتي على البودر
وفكل الاحوال الاتنين بيعطوكي نفس النتيجه
القيمر هيه القشطه الي بنجبها من السوبرماركت في انواع هنا فمصر نستله ولونا
بالنسبه للتوفي اكيد السكر تحمر معاك اوي علشان كده تعبت معاه وهوه فالاول فعلا بينشف بس لازم تقلبي بسرعه هتلاقيه ساح من تاني
لوعايزة تعملي تورته
الكيك
خمس بيضات
تلات ارباع كوب زيت
معلقه كبيرة بيكنج بودر
كوب ونصف دقيق
وكوب سكر
وباكيت فانيليا
البيض لازم تضربيه شويه بعدين السكر ونضرب لغايه ميبقى تلات اضعاف الحجم ولونه ابيض بعدين الزيت وفالاخر الدقيق والبيكنج بودر فالاخر وتقليب خفيف
دي ممكن تديك تلات طبقات حلوه انا بعملها على صنيتين مقاس 22اسهل فالتقطيع
يعني بحط تلتين وتلت
والفرن تحمي فالاول بعدين تخليه على 180 وتدخليها
وزوقيها بقى باي طريقه
✿*موضوع متميز*✿ملف لبعض الحلويات من مطبخ ام الحلوين
هنا في طريقتين تزيين اتمنى يفيدوك
ثانيا القيمر يعنى القشطه
ثالثا التوفى انا مجربتش الطريقه دى بس جربت انك تجيبى علبه لبن مكثف محلى و تغمريها بالماء فى حله عميقه و على النار 4 ساعات او فى حله ضغط ساعه مثلا و استنى اما يبرد و افتحى العلبه عشان ماتنفجرش و دى طريقه حلوه جدا
و القشطه ايوه بتاعت العسل و يا اما تكونى محوشه قشطه من بتاعت اللبن الحليب او تشترى علبه من البقال الا اذا كنت تقصدى اللى بتتحشى بيها الكنافه فدى ليها نقادير بتكون زى مهلبيه تقيله بتزودى فيها النشا
و الكريمه ممكن تجيبى علبه ويبنج كريم من جهينه زى علبه اللبن بس عليها فراولايه دى للحلويات و الل عهليها مشروم للطبخ و دى بتكون سايله و اما تضربيها بالمضرب بتمسك فى بعض
و ده رابط اللتورته انا باعمل بالمقادير دى بس هى تعمللك صنيتين
●•°حلى الأسبوع°•● التورتة …وصلت..و بأهم اسرارهاااا..مدعم بالصور
كمان لو عملتى بحث على مواضيع الجميله نور الهدى هتلاقى ملف رائع للتورت و كل عام و انت بخير
wbaby 
النجم الفضي
ما قصرت الاخوات كمان مواضيعهم مضبوطه ومفيش عندهم سر الطبق اختي عندك ملف نور الهدي وتقدري تشوفي المناسب والشكر موصول للاخت نورررررررررررررررر
طريقة عمل تورتة بالشوكولاتة :
5 بيضات
1و 1/2 كوب سكر
1و 1/2 كوب دقيق
1/2 كوب زيت
1/2 كوب حليبملعقة كبيرة باكنغ بودرملعقة كبيرة قانيليا
2-3 ملغقة كبيرة كاكاوتخفق المقادير و توضع فى صينية مناسبة ( حجم الصينية اقل من المتوسط) وتخبز. هذه الوصفة مضمونة انا شخصيا اعتمدتها من اكثر من عشر سنوات .
التورتة البيضاء الاسفنجية:هذه وصفة الوالدة رحمها الله و التى كانت اكثر من رائعة
8بيضات
2كوب دقيق
2 كوب سكر مطحون
فانيليا
ملعقة كبيرة باكنغ بودر
يخفق البيض اولا ثم نضيف السكر و الفانيليا ثم الدقيق بالتدرج فى النهاية نضيف الباكنغ بودتوضع فى صينية متوسط الحجماعملى الكيكة قبل يومين و خليها فى الثلاجة يوم المناسبة اقسميها من الوسط ورشى عليها عصير كوكتيل الفواكه المقطعة المعلب ثم ضعى طبقة الكريم شانتى و طبقة من الفواكه المقطعة المعلبة ثم ضعى الطبقة الاخرى ر شيها ايضا بالعصير. ضعىطبقة خفيفة من الكريم شانتى على سطح التورتة و الجوانب ثم ضعيها فى الثلاجة مدةساعة تقريبا ثم اخرجيها و غطيها بالكامل بالطبقة الاخيرة من الكريمة و زينى السطح .
ارجو ان اكون قد افدتك تحياتى لك